മുംബൈ: മുംബൈയില്‍ നിന്ന് മസ്‌കത്തിലേക്ക് നേരിട്ടുള്ള വിമാന സര്‍വ്വീസുകള്‍ ആരംഭിച്ചതായി വിസ്താര എയര്‍ലൈന്‍സ്.
മുംബൈയില്‍ നിന്ന് മസ്‌കത്തിലേക്കും തിരികെയുമുള്ള വിമാന സര്‍വ്വീസുകളുടെ ടിക്കറ്റുകള്‍ https://book.airvistara.com എന്ന വിലാസത്തില്‍ ലഭ്യമാണ്.
ഉദ്ഘാടന സര്‍വ്വീസിന്റെ ഭാഗമായി മുംബൈയില്‍ നിന്ന് മസ്‌കത്തിലേക്കുള്ള വിമാനം ഡിസംബര്‍ 12 ന് രാത്രി 8:28-ന് യാത്ര പുറപ്പെടുകയും, ഒമാന്‍ സമയം രാത്രി 9:46-ന് മസ്‌കറ്റില്‍ എത്തിച്ചേരുകയും ചെയ്തു. മസ്‌കറ്റില്‍ നിന്ന് മുംബൈയിലേക്കുള്ള വിമാനം രാത്രി 10:56-ന് പുറപ്പെടുകയും ഡിസംബര്‍ 13-ന് പുലര്‍ച്ചെ 2:55-ന് മുംബൈയില്‍ എത്തിച്ചേരുകയും ചെയ്തു.
നിലവില്‍ ഈ സര്‍വ്വീസ് പ്രഖ്യാപിച്ചിരിക്കുന്നത് ഡിസംബര്‍ 12 മുതല്‍ മാര്‍ച്ച്‌ 23 വരെയാണെന്ന് നേരത്തെ വിസ്താര അറിയിച്ചിരുന്നു. ദിനംതോറും സര്‍വ്വീസ് നടത്തുന്ന രീതിയിലാണ് ഈ റൂട്ടില്‍ വിസ്താര സേവനങ്ങള്‍ ആരംഭിച്ചിരിക്കുന്നത്. A320neo വിമാനങ്ങളാണ് ഈ റൂട്ടില്‍ ഉപയോഗിക്കുന്നതെന്നും വിസ്താര അറിയിച്ചു.
