കേരള സർക്കാർ സാംസ്കാരിക വകുപ്പിൻ കീഴിൽ തിരുവനന്തപുരത്ത് പ്രവർത്തിക്കുന്ന വൈലോപ്പിള്ളി സംസ്കൃതി ഭവൻ 40 വയസ്സിനു താഴെ പ്രായമുള്ളവരിൽ നിന്നും ലഘുനാടകങ്ങളുടെ രചനകൾ ക്ഷണിക്കുന്നു.
സ്വാതന്ത്ര്യലബ്ധിയുടെ എഴുപത്തിയഞ്ചാം വാർഷികാഘോഷങ്ങളോടനുബന്ധിച്ച് കേരളത്തിലെ സ്വാതന്ത്ര്യസമരം, സ്ത്രീസമത്വം എന്നീ വിഷയങ്ങളിൽ അരമണിക്കൂർ ദൈർഘ്യമുള്ള രചനകളാണ് നൽകേണ്ടത്. ലഭ്യമാകുന്ന രചനകൾ പരിശോധിച്ച് യോഗ്യമായവ തെരഞ്ഞെടുത്ത് വൈലോപ്പിള്ളി സംസ്കൃതി ഭവൻ്റെ വേദിയിൽ അവതരിപ്പിക്കുന്നതിന് അവസരവും പ്രതിഫലവും നൽകുന്നതാണ്. താത്പര്യമുള്ളവർ ബയോഡാറ്റയും രചനയുമുൾപ്പെടെ ഒക്ടോബർ 30 നകം ഇ- മെയിൽ/ തപാൽ മുഖാന്തിരം ഓഫീസിൽ ലഭ്യമാക്കേണ്ടതാണ്.
അപേക്ഷിക്കേണ്ട വിലാസം:
സെക്രട്ടറി
വൈലോപ്പിള്ളി സംസ്കൃതി ഭവൻ
നാളന്ദ, നന്തൻകോട്, കവടിയാർ പി. ഒ. തിരുവനന്തപുരം- 3
ഫോൺ: 0471 2311842
