- ന്യൂഡൽഹി: സമൂഹമാധ്യമങ്ങളിലൂടെയുള്ള സൗഹൃദം അവസാനിപ്പിച്ചതിൻ്റെ ദേഷ്യത്തിൽ പതിനാറുകാരിക്ക് നേരെ വെടിയുതിർത്ത യുവാക്കൾ അറസ്റ്റിൽ. ബോബി, പവൻ എന്നിവരെയാണ് ഡൽഹി പോലീസ് അറസ്റ്റ് ചെയ്തത്. ഒളിവിൽ പോയ അർമാൻ അലി എന്നയാൾക്കായി തെരച്ചിൽ തുടരുകയാണ്. പെൺകുട്ടിയെ വധിക്കാൻ പദ്ധതി ആസൂത്രണം ചെയ്തത് ഇയാളാണ്.
വ്യാഴാഴ്ചയാണ് കേസിനാസ്പദമായ സംഭവമുണ്ടായത്. തെക്കൻ ഡൽഹിയിലെ സംഗം വിഹാർ ഏരിയയിൽ വെച്ചാണ് പെൺകുട്ടിക്ക് നേരെ വെടിവെപ്പ് ഉണ്ടായത്. സ്‌കൂളിൽ നിന്ന് വീട്ടിലേക്ക് മടങ്ങുകയായിരുന്ന കുട്ടിക്ക് നേരെ പ്രതികൾ വെടിയുതിർക്കുകയായിരുന്നു. തോളിൽ വെടിയേറ്റ പെൺകുട്ടിയെ ആശുപത്രിയിൽ ആശുപത്രിയിൽ പ്രവേശിപ്പിച്ചു.
കുട്ടി അപകടനില തരണം ചെയ്തതായി അധികൃതർ അറിയിച്ചു. പ്രതികൾക്കെതിരെ വധശ്രമത്തിനാണ് ഇവർക്കെതിരെ കേസെടുത്തിരിക്കുന്നത്. ആക്രമണ ശേഷം പ്രതികൾ ഒളിവിൽ പോകുകയായിരുന്നു.
പ്രതികളിലൊരാളായ അർമാൻ അലിയുമായി സമൂഹമാധ്യമങ്ങളിലൂടെ പെൺകുട്ടി സൗഹൃദം സ്ഥാപിച്ചിരുന്നു. രണ്ട് വർഷമായി ഈ ബന്ധം തുടർന്നു. ആറ് മാസം മുൻപ് യുവതി ബന്ധം അവസാനിപ്പിക്കുകയും മെസേജുകൾക്ക് മറുപടി നൽകുന്നത് അവസാനിപ്പിക്കുകയും ചെയ്തു. ഇതോടെയാണ് അർമാൻ അലി സുഹൃത്തുക്കളുമായി ചേർന്ന് ആക്രമണത്തിന് പദ്ധതിയിട്ടതെന്ന് പോലീസ് വ്യക്തമാക്കി.
അർമാൻ അലി കഴിഞ്ഞ രണ്ട് വർഷമായി പെൺകുട്ടിയുമായി സമൂഹമാധ്യമങ്ങളിലൂടെ ബന്ധം സ്ഥാപിച്ചിരുന്നുവെന്ന് പോലീസ് പറഞ്ഞു. ആറ് മാസം മുമ്പ് പെൺകുട്ടി സന്ദേശങ്ങളോട് പ്രതികരിക്കുന്നത് അവസാനിപ്പിച്ചു. തുടർന്നാണ് ഇയാൾ ആക്രമണത്തിന് പദ്ധതിയിട്ടതെന്ന് ഒരു പോലീസ് ഉദ്യോഗസ്ഥൻ പറഞ്ഞു. അർമാൻ അലി ഒളിവിലാണെന്നും ഇയാളെ കണ്ടെത്തുന്നതിനായി ശ്രമം തുടരുകയാണെന്ന് ഉദ്യോഗസ്ഥൻ പറഞ്ഞു.
