മാഹി: അഴിയൂർ അണ്ടിക്കമ്പനിക്ക് സമീപം ദേശീയ പാതയിൽ ബൈക്ക് ഡിവൈഡറിൽ ഇടിച്ച് യുവാവ് മരിച്ചു. തലശ്ശേരി പെരിങ്ങളം ടീച്ചർ ബസ് സ്റ്റോപ്പിന് സമീപം പരത്തിൽ നിവാസിൽ നിഖിലേഷ് (40) ആണ് മരിച്ചത്. മാഹി ഭാഗത്ത് നിന്നും വടകരയിലേക്ക് പോകും വഴി ബൈക്ക് നിയന്ത്രണം വിട്ട് ഡിവൈഡറിൽ ഇടിച്ച് മറിയുകയായിരുന്നു.
ഉടൻ മാഹി ഗവ.ജനറൽ ആസ്പത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ശനിയാഴ്ച്ച രാത്രി 8.15 നാണ് സംഭവം. പി.ജി.കാർഡ് നെറ്റ് വർക്ക് ജീവനക്കാരനാണ്.
മോഹനൻ – മീനാക്ഷി ദമ്പതികളുടെ മകനാണ്. ഭാര്യ: റീത്തു – മകൻ: ദച്ച് ധാർമ്മിക്. സഹോദങ്ങൾ: നിഷില, നിഖില.
ആസ്പത്രി മോർച്ചറിയിലേക്ക് മാറ്റിയ മൃതദേഹം പരിശോധനയ്ക്ക് ശേഷം ഞായറാഴ്ച്ച ബന്ധുക്കൾക്ക് വിട്ടുകൊടുക്കും..
