വഡോദര: ഇന്ത്യന്‍ ഓള്‍റൗണ്ടര്‍ യൂസഫ് പത്താന്‍ ആഭ്യന്തര, രാജ്യാന്തര ക്രിക്കറ്റില്‍നിന്നും വിരമിച്ചു. ക്രിക്കറ്റിന്‍റെ എല്ലാ ഫോര്‍മാറ്റുകളില്‍നിന്നും വിരമിക്കുകയാണെന്ന് പത്താന്‍ അറിയിച്ചു. 2007 ട്വന്‍റി 20, 2011 ഏകദിന ലോകകപ്പ് നേടിയ ടീമില്‍ അംഗമായിരുന്നു.
ട്വിറ്ററിലൂടെയാണ് പത്താന്‍ വിരമിക്കല്‍ തീരുമാനം അറിയിച്ചത്. 57 ഏകദിനങ്ങളില്‍ ഇന്ത്യന്‍ കുപ്പായമണിഞ്ഞ പത്താന്‍ 113.60 സ്ട്രൈക് റേറ്റില്‍ 810 റണ്‍സ് നേടി. രണ്ട് സെഞ്ചുറികളും മൂന്ന് അര്‍ധസെഞ്ചുറികളുമാണ് ഏകദിനത്തില്‍ പത്താന്‍റെ സമ്പാദ്യം .ട്വന്‍റി 20 യില്‍ 22 മത്സരങ്ങളാണ് ഇന്ത്യക്കായി പത്താന്‍ കളിച്ചത്. 146.58. സ്ട്രൈക് റേറ്റില്‍ 236 റണ്‍സ് സ്വന്തമാക്കി.
