സംസ്ഥാന യുവജനക്ഷേമ ബോര്‍ഡ് യുവ സാഹിത്യക്യാമ്പ് സംഘടിപ്പിക്കുന്നു. നവംബറില്‍ നടത്തുന്ന ക്യാമ്പില്‍ പങ്കെടുക്കാന്‍ ആഗ്രഹിക്കുന്ന 18നും 40 നും ഇടയില്‍ പ്രായമുള്ളവര്‍ അവരുടെ രചനകള്‍ (മലയാളത്തിലുള്ള കഥ, കവിത ) ഇ മെയിലായോ തപാല്‍ മുഖേനയോ അയക്കണം.
മുമ്പ് പ്രസിദ്ധീകരിക്കാത്തതും മൗലികവുമായ രചനകള്‍ ഡി ടി പി ചെയ്ത് വയസ്സ് തെളിയിക്കുന്ന സര്‍ട്ടിഫിക്കറ്റ് കോപ്പി (എസ്എസ് എല്‍ സി/ആധാര്‍/ വോട്ടര്‍ ഐഡി ഇവയില്‍ ഏതെങ്കിലും ഒരെണ്ണം) ബയോഡാറ്റ സഹിതം അയക്കണം. കവിത 60 വരിയിലും, കഥ എട്ട് ഫുള്‍സ്‌കാപ് പേജിലും കവിയരുത്. ഇ-മെയില്‍ yuvasahithyam@gmail.com
വിലാസം: കേരള സംസ്ഥാന യുവജനക്ഷേമ ബോര്‍ഡ്, സ്വാമി വിവേകാനന്ദ യൂത്ത് സെന്റര്‍, ദൂരദര്‍ശന്‍ കേന്ദ്രത്തിന് സമീപം, കുടപ്പനക്കുന്ന് പി ഒ, തിരുവനന്തപുരം 695043.
