കൊച്ചി: മരണംവരെ കഞ്ചാവ് ഉപയോഗിക്കുമെന്ന് സമൂഹമാധ്യമങ്ങളിലൂടെ പ്രായപൂർത്തിയാകാത്ത പെൺകുട്ടിയെ കഞ്ചാവ് ഉപയോഗിക്കാൻ പ്രേരിപ്പിച്ച സംഭവത്തിൽ അറസ്റ്റിലായ വ്ലോഗർ. കഞ്ചാവ് ഉപയോഗിക്കുന്നത് തെറ്റാണെന്ന് തനിക്ക് തോന്നുന്നില്ല. ചീരയും കാബേജും കാരറ്റുമെല്ലാം പച്ചക്കറികളാണെങ്കിൽ കഞ്ചാവും പച്ചക്കറിയാണെന്ന് മട്ടാഞ്ചേരി സ്വദേശി പുത്തന്‍ പുരയ്ക്കല്‍ ഫ്രാൻസിസ് നെവിൻ അഗസ്റ്റിൻ പറഞ്ഞു.ഭൂമിയിൽ വിത്ത് വീണ് മുളച്ചുവരുന്ന ചെടിയാണ് കഞ്ചാവ്. ആരൊക്കെ എന്തൊക്കെ പറഞ്ഞാലും മരിക്കുവരെ കഞ്ചാവ് വലിക്കും. കഞ്ചാവ് എനിക്ക് തെറ്റാണെന്ന് തോന്നിയിട്ടില്ല. ഞാൻ പ്രകൃതിയെ സ്നേഹിക്കുന്ന വ്യക്തിയാണ്. ഭൂമിയെന്ന അമ്മയെ മതവും ദൈവമായും കണ്ട് സ്നേഹിക്കുന്ന വ്യക്തിയാണ് ഞാൻ. എട്ട് കൊല്ലം മുൻപ് പക്ഷാഘാതം സംഭവിച്ചിരുന്നു. സംസാരശേഷിയും കാഴ്ച ശക്തിയും പോയിരുന്നു. തുടർച്ചയായി മരുന്ന് കഴിക്കണമെന്ന നിർദേശമാണ് ഡോക്ടർമാർ അന്ന് നൽകിയതെന്നും ഫ്രാൻസിസ് നെവിൻ അഗസ്റ്റിൻ എക്സൈസിനോട് പറഞ്ഞു.പാവപ്പെട്ട കുടുംബത്തിൽ ജനിച്ച എനിക്ക് വലിയ ആശുപത്രിയിൽ ചികിത്സ തേടാനുള്ള സാഹചര്യം ഉണ്ടായിരുന്നില്ല. ഈ അവസ്ഥയ്ക്ക് ഏറ്റവും നല്ലത് കഞ്ചാവ് ആണെന്ന് ഒരു യോഗിയാണ് പറഞ്ഞത്. തുടർന്ന് കഞ്ചാവ് ഉപയോഗിച്ച ശേഷമാണ് നടക്കാനും സംസാരിക്കാനും തുടങ്ങിയത്. ഇത് പറയുമ്പോൾ എല്ലാവരും ചിരിക്കുമെന്നും ഫ്രാൻസിസ് നെവിൻ അഗസ്റ്റിൻ വ്യക്തമാക്കി.
കഞ്ചാവ് ഉപയോഗിക്കാൻ പ്ലസ് ടു വിദ്യാർഥിനിയെ പ്രരിപ്പിക്കുന്ന വീഡിയോ പുറത്തുവന്നതിന് പിന്നാലെയാണ് ഇയാളെ എക്സൈസ് അറസ്റ്റ് ചെയ്തത്. വ്ലോഗറും പ്രായപൂര്‍ത്തിയാകാത്ത പെണ്‍കുട്ടിയും തമ്മിലുള്ള സംഭാഷണ ദൃശ്യം പുറത്തായതിന് പിന്നാലെ കാട്ടൂര്‍ പൊലീസ് കേസ് രജിസ്റ്റര്‍ ചെയ്തിരുന്നു. ചൊവ്വാഴ്ച മട്ടാഞ്ചേരിയിലെ പ്രതിയുടെ വീട്ടിലെത്തിയ എക്സൈസ് സംഘം ഫ്രാൻസിസ് നെവിൻ്റെ പക്കൽ നിന്നും രണ്ട് ഗ്രാം കഞ്ചാവ് പിടിച്ചെടുത്തു. മട്ടാഞ്ചേരി എക്സൈസ് റേഞ്ച് ഇൻസ്പെക്ടർ വി എസ് പ്രദീപിൻ്റെ നേതൃത്വത്തിലുള്ള സംഘമാണ് വീട്ടിൽ പരിശോധന നടത്തിയത്.കഞ്ചാവ് കിട്ടാനില്ലെന്ന് അഭിപ്രായപ്പെട്ട പ്ലസ് ടു വിദ്യാർഥിനിയോട് ഫോർട്ട് കൊച്ചിക്ക് വരാൻ സാധിക്കുമോ അല്ലെങ്കിൽ അതിനായി കോതമംഗലത്തേക്ക് പോകാൻ കഴിയുമോ എന്നും ചോദിക്കുന്ന ഫ്രാൻസിസ് നെവിൻ അഗസ്റ്റിൻ്റെ വീഡിയോ സമൂഹമാധ്യമങ്ങളിൽ വൈറലായിരുന്നു. ഇതിന് പിന്നാലെയാണ് എക്സൈസ് വിശദമായ അന്വേഷണം ആരംഭിച്ചത്. നവമാധ്യമങ്ങളിലൂടെ പ്രായപൂര്‍ത്തിയാവാത്ത പെണ്‍കുട്ടിയുടെ ദൃശ്യം പ്രചരിപ്പിച്ചവര്‍ക്കെതിരെയും കേസ് എടുക്കുമെന്നാണ് റിപ്പോർട്ട്.
www.mediawings.in
