ദുബൈ: റമദാന്‍ പ്രമാണിച്ച്‌ മെയ് 6 വരെ ഐ.എം.ജി വേള്‍ഡ് താത്കാലികമായി അടച്ചതായി മാനേജ്മെന്‍റ് അറിയിച്ചു. എങ്കിലും ഈ കാലയളവില്‍ നോവോ സിനിമാസ് അടക്കില്ല.
പാര്‍ക്കുകളും സവാരികളും സുരക്ഷിതമായി സൂക്ഷിക്കുന്നതിനുള്ള നവീകരണ പദ്ധതികള്‍ ഇക്കാലത്ത് നടക്കും. എല്ലാവരേയും പരിരക്ഷിക്കുന്നതിനും പാര്‍ക്ക് സന്ദര്‍ശിക്കുമ്പോള്‍ അതിഥികള്‍ക്ക് ലോകോത്തര അനുഭവം നല്‍കുന്നതിനുമാണ് ഈ മുന്‍കരുതല്‍ നടപടികള്‍ നടപ്പിലാക്കുന്നതെന്ന് ഐ.എം.ജി വേള്‍ഡ് അധികൃതര്‍ അറിയിച്ചു .
ഈദിന് ഏതാനും ദിവസങ്ങള്‍ക്ക് മുമ്പായി മെയ് 7 മുതല്‍ അതിഥികള്‍ക്കായി പാര്‍ക്ക് വീണ്ടും തുറന്നു കൊടുക്കും.
