പനമരം: പനമരം താഴെ നെല്ലിയമ്പത്ത് അജ്ഞാത സംഘത്തിന്റെ ആക്രമണത്തില്‍ വയോധികന്‍ മരിച്ചു. അഞ്ചു കുന്ന് സ്‌കൂളിലെ മുന്‍ അധ്യാപകന്‍ പത്മാലയം കേശവന്‍ മാസ്റ്റര്‍ (75) ആണ് കൊല്ലപ്പെട്ടത്. മുഖം മൂടിയിട്ട രണ്ട് പേരുടെ കത്തി കുത്തേറ്റാണ് മരിച്ചതെന്നാണ് ആദ്യ വിവരം.ഇദ്ദേഹത്തിന്റെ ഭാര്യ പത്മാവതിയെ കുത്തേറ്റ പരിക്കുകളോടെ മാനന്തവാടി മെഡിക്കല്‍ കോളേജില്‍ പ്രവേശിപ്പിച്ചു. ഇന്ന് രാത്രി 8.15 ഓടെയാണ് സംഭവം. പ്രധാന നിരത്തില്‍ നിന്നും മാറി കുറച്ച് ഒറ്റപ്പെട്ടതാണ് ഇവരുടെ വീട്. മുകള്‍ നിലയില്‍ നിന്നും പ്രവേശിച്ചതാണ് അക്രമികളെന്നാണ് പ്രാഥമിക വിവരം. ബഹളം കേട്ട് നാട്ടുകാര്‍ എത്തിയാണ് ഇവരെ ആശുപത്രിയില്‍ എത്തിച്ചത്
