മോങ്ങം : മിസ്റ്റർ ബീൻ , ചാർളി ചാപ്ലിൻ , മമ്മുട്ടി , മോഹൻ ലാൽ തുടങ്ങി അറുപതോളം പ്രശസ്തരുടെ ചിത്രങ്ങൾ ഒരൊറ്റ എ ത്രീ സൈസ് കടലാസിൽ വരച്ച് ഏഷ്യ ബുക് ഓഫ് റെക്കോർഡ്സിൽ അഭിമാനകരമായ നേട്ടം കൈവരിച്ചിരിക്കുകയാണ് മോങ്ങം ചെറുപുത്തൂർ സ്വദേശി ജസീം റഹ്മാൻ . ചെറുപ്പം മുതൽ തന്നെ കലയിൽ തല്പരനായ ജസീം റഹ്മാൻ അൻപത് ചിത്രം എന്ന റെക്കോർഡ് തിരുത്തിയാണ് പുതിയ റെക്കോർഡ് കരസ്ഥമാക്കിയത് .
കോവിഡ് മഹാമാരി സമ്മാനിച്ച ഒഴിവ് സമയങ്ങൾ ക്രിയാത്മകമായി വിനിയോഗിച്ചാണ് ജസീം ചിത്ര കലയിൽ സജീവമായത് . പുൽപ്പറ്റ ഗ്രാമ പഞ്ചായത്ത് പ്രസിഡണ്ട് പിസി അബ്ദുൽ റഹ്‌മാന്റേയും ഒളമതിൽ യു പി സ്‌കൂൾ അധ്യാപിക ജമീല വി ടി യുടെയും മകനായ ജസീം റഹ്മാൻ വേങ്ങര പറപ്പൂർ ദാറുൽ ഹുദ സഹ സ്ഥാപനമായ സബീലുൽ ഹിദായയിൽ ഡിഗ്രി വിദ്യാർത്ഥിയാണ്.
