അകാരണമായി ട്രെയിനുകൾ വൈകിയാൽ നഷ്ടപരിഹാരം നൽകണമെന്ന് സുപ്രീം കോടതി

ദില്ലി: ട്രെയിനുകള്‍ വൈകിയോടുന്നതില്‍ നിര്‍ണ്ണായക ഉത്തരവുമായി സുപ്രീം കോടതി. ട്രെ​യി​നു​ക​ള്‍ അ​കാ​ര​ണ​മാ​യി വൈ​കി ഓ​ടി​യാ​ല്‍ യാ​ത്ര​ക്കാ​ര്‍​ക്ക് റെ​യി​ല്‍​വേ ന​ഷ്‍ടപ​രി​ഹാ​രം ന​ല്‍​ക​ണ​മെ​ന്നു സു​പ്രീം​കോ​ട​തി ഉത്തരവിട്ടു. ട്രെയിന്‍ നാ​ലു മ​ണി​ക്കൂ​ര്‍ വൈ​കി ഓ​ടി​യ​ത് കാ​ര​ണം നഷ്‍ടം നേരിട്ട യാ​ത്ര​ക്കാ​ര​ന് ന​ഷ്‍ട​പ​രി​ഹാ​രം ന​ല്‍​ക​ണ​മെ​ന്ന ദേ​ശീ​യ ഉ​പ​ഭോ​ക്തൃ ത​ര്‍​ക്ക​പ​രി​ഹാ​ര ക​മ്മീ​ഷ​ന്‍റെ ഉ​ത്ത​ര​വ് ശ​രി​വ​ച്ചാ​ണ് സു​പ്രീം​കോ​ട​തി​യു​ടെ സു​പ്ര​ധാ​ന വി​ധി.

റെ​യി​ല്‍​വേ അ​ധി​കൃ​ത​രു​ടെ നി​യ​ന്ത്ര​ണ​ങ്ങ​ള്‍​ക്ക് പു​റ​ത്തു​ള്ള കാ​ര​ണ​ങ്ങ​ളാ​ലോ മ​തി​യാ​യ ന്യാ​യീ​ക​ര​ണ​മു​ള്ള കാ​ര​ണ​ങ്ങ​ളാ​ലോ അ​ല്ലാ​ത്ത സ​ന്ദ​ര്‍​ഭ​ങ്ങ​ളി​ല്‍ ട്രെ​യി​നു​ക​ള്‍ വൈ​കി​യാ​ല്‍ യാ​ത്ര​ക്കാ​ര​ന് ന​ഷ്‍ട​പ​രി​ഹാ​രം ല​ഭി​ക്കാ​ന്‍ അ​ര്‍​ഹ​ത​യു​ണ്ടെ​ന്നാ​ണ് ജ​സ്റ്റീ​സു​മാ​രാ​യ എംആ​ര്‍ ഷാ, ​അ​നി​രു​ദ്ധ ബോ​സ് എ​ന്നി​വ​ര്‍ ഉ​ള്‍​പ്പെ​ട്ട ബെ​ഞ്ച് വ്യക്തമാക്കി.

കഴിഞ്ഞ ജൂണ്‍ 10ന് അജ്‍മീര്‍ -​ ജ​മ്മു എ​ക്‌​സ്പ്ര​സി​ല്‍ ജ​മ്മു​വി​ലേ​ക്ക് പോ​കു​ന്ന​തി​നാ​ണ് സ​ഞ്ജ​യ് ശു​ക്ല എ​ന്ന യാ​ത്ര​ക്കാ​ര​ൻ കു​ടും​ബ​സ​മേ​തം ടി​ക്ക​റ്റ് ബു​ക്ക് ചെയ്‍തത്. 17-ാം തീ​യ​തി ഇ​തേ ട്രെ​യി​നി​ല്‍ തി​രി​ച്ചു​ള്ള യാ​ത്ര​യ്ക്കും ഇദ്ദേഹം ടി​ക്ക​റ്റെ​ടു​ത്തി​രു​ന്നു. 10-ാം തീ​യ​തി യാ​ത്ര പു​റ​പ്പെ​ട്ട ട്രെ​യി​ന്‍ 11ന് ​രാ​വി​ലെ 8.10ന് ​ജ​മ്മു​വി​ല്‍ എ​ത്തേ​ണ്ട​താ​യിരുന്നു. അ​ത​നു​സ​രി​ച്ച് സ​ഞ്ജ​യ് ശു​ക്ല ജ​മ്മു​വി​ല്‍ നി​ന്ന് ഉ​ച്ച​യ്ക്ക് 12-നു​ള്ള സ്‌​പൈ​സ് ജെ​റ്റി​ല്‍ ശ്രീ​ന​ഗ​റി​ലേ​ക്കു​ള്ള വി​മാ​ന​ ടി​ക്ക​റ്റും കൂ​ടാ​തെ ദാ​ല്‍ ത​ടാ​ക​ത്തി​ല്‍ ഒ​രു ഹൗ​സ് ബോ​ട്ടും ബു​ക്ക് ചെയ്‍തി​രു​ന്നു.

എ​ന്നാ​ൽ നാ​ലു മ​ണി​ക്കൂ​ര്‍ വൈ​കി ഉ​ച്ച​യ്ക്ക് 12-നാ​ണ് ട്രെയിന്‍ ജമ്മുവില്‍ എത്തിയത്. യാത്രികന്‍ ജ​മ്മു റെ​യി​ല്‍​വേ സ്‌​റ്റേ​ഷ​നി​ല്‍ നി​ന്ന് വി​മാ​ന​ത്താ​വ​ള​ത്തില്‍ എത്തിയപ്പോഴേക്കും ശ്രീ​ന​ഗ​റി​ലേ​ക്കു​ള്ള വി​മാ​നം പറന്നുയര്‍ന്നിരുന്നു. പി​ന്നീ​ട് ശ്രീ​ന​ഗ​റി​ലേ​ക്ക് സ്വ​കാ​ര്യ ടാ​ക്‌​സി​യി​ലാ​ണ് ഇ​വ​ര്‍ യാ​ത്ര തി​രി​ച്ച​ത്.

തുടര്‍ന്നാണ് സ​ഞ്ജ​യ് ശു​ക്ല പ​രാ​തി​യുമായി ആ​ല്‍​വാ​ര്‍ ജി​ല്ല ഉ​പ​ഭോ​ക്തൃ ത​ര്‍​ക്ക​പ​രി​ഹാ​ര സ​മി​തിയെ സമീപിക്കുന്നത്. 25,000 രൂ​പ ന​ഷ്ട​പ​രി​ഹാ​ര​മാ​യും 5000 രൂ​പ വീ​തം ഇ​വ​ര്‍ നേ​രി​ട്ട മാ​ന​സി​ക ക്ലേ​ശ​ത്തി​ന് പ​രി​ഹാ​ര​മാ​യും അ​തി​ന് പു​റ​മേ വ്യ​വ​ഹാ​ര ചെ​ല​വും ഒ​രു മാ​സ​ത്തി​നു​ള്ളി​ല്‍ ന​ല്‍​ക​ണ​മെ​ന്നായിരുന്നു ത​ര്‍​ക്ക​പ​രി​ഹാ​ര സ​മിതിയുടെ ഉത്തരവ്. മാത്രമല്ല ജ​മ്മു​വി​ല്‍ നി​ന്നു ശ്രീ​ന​ഗ​റി​ലേ​ക്കു​ള്ള ടാ​ക്സി യാ​ത്ര​യു​ടെ ചെ​ല​വും ബോട്ടിന് വാ​ട​കയിനത്തില്‍ ന​ല്‍​കി​യ 10,000 രൂ​പ​യും റെ​യി​ല്‍​വേ ന​ല്‍​ക​ണ​മെ​ന്നും കമ്മീഷന്‍ ഉ​ത്ത​ര​വി​ട്ടിരുന്നു.

ജി​ല്ലാ സ​മി​തി​യു​ടെ ഉ​ത്ത​ര​വ് സം​സ്ഥാ​ന സ​മി​തി​യും പിന്നാലെ ദേ​ശീ​യ കമ്മീഷനും ശ​രി​വച്ചു. ഈ ഉത്തരവിനെതിരെ റെയിൽവേ സുപ്രീം കോടതിയെ സമീപിച്ചിരുന്നു. എന്നാൽ പരാതി ന്യായമാണെന്നും അകാരണമായി വൈകി ഓടുന്നത് അംഗീകരിക്കാനാകില്ലെന്നും സുപ്രീം കോടതി അറിയിച്ചു.