വീഡിയോകള്‍ ഷെയര്‍ ചെയ്യുന്നതിനു മുമ്പ് മ്യൂട്ടുചെയ്യാന്‍ അനുവദിക്കുന്ന ഒരു പുതിയ ഫീച്ചര്‍ വാട്ട്സ്ആപ്പ് അവതരിപ്പിക്കുന്നു. മ്യൂട്ട് വീഡിയോസ് ഫീച്ചര്‍ എന്ന് വിളിക്കുന്ന ഈ സവിശേഷത ഇപ്പോള്‍ ആന്‍ഡ്രോയിഡിനായുള്ള ബീറ്റ പതിപ്പ് 2.21.3.13 ല്‍ ലഭ്യമാണ്. ഒരു കോണ്‍ടാക്റ്റിലേക്ക് വീഡിയോകള്‍ അയയ്ക്കുന്നതിന് മുമ്പ് മ്യൂട്ടുചെയ്യാന്‍ ഇത് അനുവദിക്കുന്നു. വോളിയം ടോഗിള്‍ ടാപ്പു ചെയ്തു വാട്ട്സ്ആപ്പ് ഉപയോക്താക്കള്‍ക്ക് വീഡിയോ മ്യൂട്ടുചെയ്യാവുന്ന വിധത്തിലാണ് ഇതിന്റെ പ്രവര്‍ത്തനം. അതേസമയം മറ്റ് ഓപ്ഷനുകളായ ഇമോട്ട് ഓപ്ഷന്‍, ടെക്സ്റ്റ് ഓപ്ഷന്‍, എഡിറ്റ് ഓപ്ഷന്‍ എന്നിവ അതേപടി തുടരും.പുതിയ ഫീച്ചര്‍ നവംബറിലാണ് അവതരിപ്പിച്ചതെങ്കിലും ഇപ്പോഴാണ് എല്ലാ ബീറ്റ ഉപയോക്താക്കള്‍ക്കുമായി പുറത്തിറങ്ങിയത്.
2021 ഫെബ്രുവരി 8 മുതല്‍ പ്രാബല്യത്തില്‍ വരാനിരുന്ന പുതുക്കിയ സ്വകാര്യതാ നയത്തിന് ഉപയോക്താക്കളില്‍ നിന്ന് വാട്ട്സ്ആപ്പ് വലിയ പ്രതിസന്ധി നേരിട്ടതിനു ശേഷമാണ് പുതിയ ഫീച്ചറുകള്‍ കമ്പനി അവതരിപ്പിക്കുന്നത്. പുതിയ സ്വകാര്യതാ നയം അനുസരിച്ച്, ഉപയോക്താക്കള്‍ ബിസിനസ്സുമായി പങ്കിട്ട ഡാറ്റ എങ്ങനെ പ്രോസസ്സ് ചെയ്യുന്നു എന്നതിനെക്കുറിച്ചുള്ള കമ്പനിയുടെ നിബന്ധനകള്‍ പാലിക്കണം. ഇതു ചെയ്തില്ലെങ്കില്‍ വാട്ട്‌സ്ആപ്പിലെ അക്കൗണ്ടുകള്‍ നഷ്ടപ്പെടാമെന്നു പറഞ്ഞതോടെ ഏറിയപേരും സിഗ്നല്‍ എന്ന സമാന ആപ്പിലേക്കു ചേക്കേറിയിരുന്നു. തുടർന്ന് കമ്പനി മെയ് വരെ ഈ തീയതി പുതുക്കി നൽകിയിട്ടുണ്ട്.
കൂടാതെ, ടാറ്റേഴ്‌സ് ആന്‍ഡ് ടോട്ട്‌സ് എന്ന പുതിയ ആനിമേറ്റഡ് സ്റ്റിക്കര്‍ പാക്കും വാട്ട്സ്ആപ്പ് പുറത്തിറക്കി. ഈ വര്‍ഷം ആദ്യം, വെബിലെ മള്‍ട്ടിഉപകരണ ഫീച്ചറുകളില്‍ വാട്ട്സ്ആപ്പ് പ്രവര്‍ത്തിക്കുന്നുണ്ടെന്ന് റിപ്പോര്‍ട്ടുകള്‍ പുറത്തു വന്നിരുന്നു. ഒന്നിലധികം ഉപകരണങ്ങള്‍ ഉപയോഗിച്ച് ഒരു വാട്ട്സ്ആപ്പ് അക്കൗണ്ടിലേക്ക് ലോഗിന്‍ ചെയ്യാന്‍ ഈ ഫീച്ചര്‍ ഉപയോക്താക്കളെ അനുവദിക്കും. പുതിയ ഫീച്ചര്‍, ഇന്റര്‍നെറ്റ് കണക്ഷന്‍ ആവശ്യമില്ലാതെ വ്യത്യസ്ത ഉപകരണങ്ങളില്‍ നിന്ന് വാട്ട്‌സ്ആപ്പിലേക്ക് പ്രവേശിക്കാന്‍ ഉപയോക്താക്കളെ അനുവദിക്കും. ഗ്രൂപ്പ് സെല്ലിലെ മെന്‍ഷന്‍ ബാഡ്ജിനായി ഒരു നിര്‍ദ്ദിഷ്ട ഗ്രൂപ്പില്‍ നിങ്ങളെ പരാമര്‍ശിക്കുമ്പോഴെല്ലാം ഒരു കോമ്പന്‍സേഷനായി വാട്ട്സ്ആപ്പ് പ്രവര്‍ത്തിക്കുന്നുണ്ടെന്നും റിപ്പോര്‍ട്ടുണ്ട്.
Media wings:
