ഈ വർഷത്തെ കേരള സിലബസ് പ്ലസ്ടു പരീക്ഷയിൽ സയൻസ്, കണക്ക്, ഇംഗ്ലീഷ് വിഷയങ്ങളിൽ ബി പ്ലസിൽ കുറയാത്ത ഗ്രേഡിൽ പാസായ പട്ടികജാതി വിദ്യാർഥികൾക്ക് ഒരു വർഷത്തെ മെഡിക്കൽ/എഞ്ചിനീയറിങ് എൻട്രൻസ് പരിശീലനത്തിന് അംഗീകൃത സ്ഥാപനത്തിൽ ചേർന്ന് പഠിക്കാൻ ധനസഹായം അനുവദിക്കുന്നു. സ്ഥാപനങ്ങളുടെ പട്ടിക ജില്ലാ പട്ടികജാതി വികസന ഓഫീസിൽ ലഭിക്കും. താൽപര്യമുള്ളവർ ജാതി സർട്ടിഫിക്കറ്റ്, വരുമാന സർട്ടിഫിക്കറ്റ്, മാർക്ക് ലിസ്റ്റ് കോപ്പി, ആധാർ കാർഡ്, ബാങ്ക് പാസ് ബുക്ക് കോപ്പി എന്നിവയുടെ സ്വയം സാക്ഷ്യപ്പെടുത്തിയ പകർപ്പ് സഹിതം വെള്ളപേപ്പറിൽ തയ്യാറാക്കിയ അപേക്ഷ ഒക്ടോബർ 15നകം ജില്ലാ പട്ടികജാതി വികസന ഓഫീസിൽ സമർപ്പിക്കണം. വരുമാന പരിധി ആറ് ലക്ഷം രൂപ. ഫോൺ: 0497 2700596.
