മുസ്ലീം ലീഗ് സ്ഥാനാർത്ഥി നിർണയത്തില്‍ അന്തിമ തീരുമാനം എടുക്കാൻ നേതൃയോഗം നാളെ ചേരും. സാദിഖലി ശിഹാബ് തങ്ങളെ നേതാക്കള്‍ പാണക്കാട് എത്തി കോണ്‍ഗ്രസ്,ലീഗ് ഉഭയകക്ഷി ചർച്ചയുടെ വിശദാംശങ്ങള്‍ ധരിപ്പിച്ചു.യൂത്ത് ലീഗും ഇതിനിടെ സീറ്റ് ആവശ്യപ്പെട്ട് രംഗത്തെത്തി.
നേരത്തെ ഉണ്ടായിരുന്ന ധാരണ സിറ്റിങ് എംപിമാർ പൊന്നാനിയിലും മലപ്പുറത്തും മത്സരിക്കുക എന്നതായിരുന്നു. എങ്കിലും പുതുമുഖത്തെ രാജ്യസഭ സീറ്റ് ലഭിക്കുമെന്ന പ്രതീക്ഷയുള്ളതിനാല്‍ ഇറക്കണോയെന്നതാണ് പാർട്ടിയില്‍ നിലവിലെ ആലോചന.
സ്ഥാനാർത്ഥികളെ സംബന്ധിച്ച്‌ ധാരണ നാളെ നടക്കുന്ന നിർണായക നേതൃയോഗത്തില്‍ ഉണ്ടാകും.
പാണക്കാട് നേരിട്ടെത്തി പി.കെ.കുഞ്ഞാലിക്കുട്ടി, ഇടി മുഹമ്മദ് ബഷീർ എന്നിവർസാദിഖലി തങ്ങളുമായി കൂടിക്കാഴ്ച നടത്തി. സിറ്റിങ് സീറ്റ് ഉഭയകക്ഷി ചർച്ചയിലെ തീരുമാനത്തില്‍ പൂർണതൃപ്തിയില്ലെങ്കിലും വിട്ടുനല്‍കാനാവില്ലെന്ന കോണ്‍ഗ്രസ് നിലപാട് അംഗീകരിക്കുകയാണ് മുസ്ലീം ലീഗ്.
