പാലക്കാട് ഉപതെരഞ്ഞെടുപ്പില്‍ ചരിത്ര ഭൂരിപക്ഷവുമായി രാഹുല്‍ മാങ്കൂട്ടത്തിലിന്റെ വിജയം. പാലക്കാട് നഗരസഭ മേഖലകളില്‍ ബിജെപി മുൻ വർഷങ്ങളില്‍ നേടി കൊണ്ടിരുന്ന മേല്‍ക്കൈ തകർത്തുകൊണ്ടാണ് രാഹുലിന്റെ വിജയം.18724 വോട്ടിന്റെ റെക്കോർഡ് ഭൂരിപക്ഷത്തിലാണ് രാഹുല്‍ മാങ്കൂട്ടത്തില്‍ വിജയിച്ചത്. 6239 വോട്ടിന്റെ ലീഡ് കഴിഞ്ഞ നിയമസഭാ തിരഞ്ഞെടുപ്പില്‍ നഗരസഭയില്‍ നിന്ന് ഇ ശ്രീധരൻ നേടിയിരുന്നു എങ്കിലും ലോക്സഭാ തിരഞ്ഞെടുപ്പില്‍ ബിജെപിയുടെ ലീഡ് 497 വോട്ടിലേക്ക് ചുരുങ്ങിയിരുന്നു.
5842 വോട്ടുകള്‍ ആണ് മൂന്നുവർഷം കഴിയുമ്പോള്‍ ബിജെപിക്ക് നഷ്ടപ്പെട്ടത്. സി കൃഷ്ണകുമാർ തന്നെയായിരുന്നു അന്നും ഇന്നും സ്ഥാനാർത്ഥി. 10000 ത്തിലധികം വോട്ടുകളുടെ കുറവാണ് ഇത്തവണ പാലക്കാട് ബിജെപിക്ക് ഉണ്ടായിട്ടുള്ളത്. വിജയം ഉറപ്പിക്കുന്നതിന് മുൻപ് തന്നെ പാലക്കാട് രാഹുല്‍ മാങ്കൂട്ടത്തില്‍ വിജയിക്കുമെന്ന് വി ടി ബല്‍റാം എംഎല്‍എ ആത്മവിശ്വാസം പ്രകടിപ്പിച്ചിരുന്നു.
