കോഴിക്കോട് : സംസ്ഥാന ഹജ്ജ് കമ്മറ്റിക്ക് കീഴില്‍ അടുത്ത വര്‍ഷത്തെ ഹജ്ജ് കര്‍മ്മത്തിന് തെരഞ്ഞെടുക്കപ്പെട്ട കോഴിക്കോട് ജില്ലയിലെ ഹാജിമാര്‍ക്കുള്ള ഒന്നാം ഘട്ട ഹജ്ജ് സാങ്കേതിക പഠന ക്ലാസ് സമാപിച്ചു
കാരന്തൂര്‍ മര്‍കസ് ഓഡിറ്റോറിയത്തില്‍ വെച്ച് നടന്ന
ബേപ്പൂര്‍ , കോഴിക്കോട് നോര്‍ത്ത് & സൗത്ത് , എലത്തൂര്‍ , കുന്നമംഗലം നിയോജക മണ്ഡലങ്ങളിലെ ഹാജിമാര്‍ക്കുള്ള പരിശീലന ക്ലാസിന്‍റെ ഉദ്ഘാടനം സംസ്ഥാന ഹജ്ജ് കമ്മറ്റി ചെയര്‍മാന്‍ ഡോ : ഹുസൈന്‍ സഖാഫി ചുള്ളിക്കോട് നിര്‍വ്വഹിച്ചു
കേന്ദ്ര ഹജ്ജ് കമ്മറ്റി മെമ്പര്‍ സി മുഹമ്മദ് ഫൈസി അധ്യക്ഷത വഹിച്ചു
കാന്തപുരം എ പി അബൂബക്കര്‍ മുസ്ല്യാര്‍ അനുഗ്രഹ പ്രഭാഷണം നടത്തി
മുന്‍ മന്ത്രി അഹമ്മദ് ദേവര്‍ കോവില്‍ എം എല്‍ എ മുഖ്യാതിഥിയായി പങ്കെടുത്തു
ഹജ്ജ് കമ്മറ്റി അംഗങ്ങളായ പി ടി അക്ബര്‍ , ഒ വി ജാഫര്‍ ഹജ്ജ് കമ്മറ്റി അസി : സെക്രട്ടറി ജാഫര്‍ കക്കൂത്ത് , എന്‍ മുഹമ്മദലി മാസ്റ്റര്‍ , അസ്സയിന്‍ പി കെ , മുഹമ്മദ് സലീം കാസര്‍ഗോഡ് ആശംസകള്‍ അറിയിച്ചു
ക്ലാസുകള്‍ക്ക് സംസ്ഥാന ഹജ്ജ് ട്രൈനിംഗ് ഓര്‍ഗനൈസര്‍ പി കെ ബാപ്പു ഹാജി , സ്റ്റേറ്റ് ഹജ്ജ് ട്രൈനിംഗ് ഫാക്കല്‍റ്റി യു പി അബ്ദുല്‍ ഹമീദ് മാസ്റ്റര്‍ എന്നിവര്‍ നേതൃത്വം നല്‍കി
സംസ്ഥാന ഹജ്ജ് കമ്മറ്റിക്ക് കീഴില്‍ 2025 വര്‍ഷത്തെ ഹജ്ജിന് തെരഞ്ഞെടുക്കപ്പെട്ടവരും ഒന്ന് മുതല്‍ മുവ്വായിരം വരെ വെയ്റ്റിംഗ് ലിസ്റ്റില്‍ ഉള്‍പ്പെട്ടവരുമായ ബേപ്പൂര്‍ , കോഴിക്കോട് നോര്‍ത്ത് & സൗത്ത് , എലത്തൂര്‍ , കുന്നമംഗലം മണ്ഡലങ്ങളില്‍ നിന്നായി ആയിരത്തോളം ഹാജിമാര്‍ ക്ലാസില്‍ പങ്കെടുത്തു
കോഴിക്കോട് ജില്ലാ ഹജ്ജ് ട്രൈനിംഗ് ഓര്‍ഗനൈസര്‍ നൗഫല്‍ മങ്ങാട് സ്വാഗതവും പി വി ഷാഹുല്‍ ഹമീദ് നന്ദിയും പറഞ്ഞു
