പാലക്കാട്: നെന്മാറ ഇരട്ടക്കൊലപാത കേസിലെ പ്രതി ചെന്താമരയെ പൊലീസ് പിടികൂടി. പോത്തുണ്ടി മലയില്‍ നിന്നാണ് ചെന്താമരയെ പിടികൂടിയത്.ഒരു പകല്‍ മുഴുവന്‍ നീണ്ടുനിന്ന പരിശോധനയ്‌ക്കൊടുവിലാണ് പ്രതിയെ പിടികൂടിയത്. ഇന്നത്തെ തെരച്ചില്‍ അവസാനിപ്പിച്ചുവെന്ന പ്രതീതി സൃഷ്ടിച്ച ശേഷം സ്ഥലത്ത് നിന്ന് മടങ്ങുന്നതിനിടെയാണ് പ്രതി പിടിയിലായത്. തെരച്ചില്‍ അവസാനിപ്പിച്ച്‌ എല്ലാവരും മടങ്ങിയെന്ന് കരുതി വനത്തിനുള്ളില്‍ നിന്ന് പുറത്തിറങ്ങാന്‍ പ്രതി തയ്യാറായപ്പോള്‍ അറസ്റ്റിലാകുകയായിരുന്നു.
തെരച്ചില്‍ അവസാനിപ്പിച്ചെന്ന് നാട്ടുകാരോട് പറഞ്ഞെങ്കിലും രണ്ട് പൊലീസുകാര്‍ വീതമുള്ള സംഘം വിവിധ സ്ഥലങ്ങളില്‍ വിന്യസിച്ചിരുന്നു. അറസ്റ്റിലായ പ്രതിയെ നെന്മാറ പൊലീസ് സ്റ്റേഷനില്‍ എത്തിച്ചു.
