കോഴിക്കോട് : കേരള ഗവ: പ്രൈമറി സ്ക്കൂൾ ഹെഡ്മാസ്റ്റേഴ്സ് അസോസിയേഷൻ ജില്ലാ സമ്മേളനം നാളെ ( ഫെബ്രുവരി 1 ശനി ) കോഴിക്കോട് ചിന്താവളപ്പ് ശിക്ഷക് സദനിൽ നടക്കും.
രാവിലെ 9 മണി മുതൽ 3 മണി വരെ നടക്കുന്ന സമ്മേളനത്തിൽ ഉദ്ഘാടന സമ്മേളനം , വിദ്യാഭ്യാസ സമ്മേളനം , പ്രതിനിധി സമ്മേളനം , യാത്രയയപ്പ് സമ്മേളനം എന്നിവ ഉൾക്കൊള്ളിച്ചിട്ടുണ്ട്.
അഡ്വ: പി ടി എ റഹീം എം.എൽ എ സമ്മേളനം ഉദ്ഘാടനം ചെയ്യും. കോഴിക്കോട് ഡി. ഡി. ഇ മനോജ് മണിയൂർ മുഖ്യാതിഥി ആകും കെ ജി പി എസ് എച്ച് എ സംസ്ഥാന പ്രസിഡണ്ട് ബിജു തോമസ് , ജന .സെക്രട്ടറി ഇ.ടി. കെ ഇസ്മായിൽ എന്നിവർ പ്രഭാഷണം നടത്തും . ഈ വർഷം വിരമിക്കുന്ന അംഗങ്ങൾക്ക് യാത്രയയപ്പും ഉപഹാരസമർപ്പണവും നടത്തും . സമ്മേളനത്തിനുള്ള ഒരുക്കങ്ങൾ പൂർത്തിയായതായും മുഴുവൻ അംഗങ്ങളും രാവിലെ 9 മണിക്ക് ശിക്ഷക് സദനിൽ എത്തിച്ചേരണമെന്നും ജില്ല പ്രസിഡണ്ട് ശുക്കൂർ കോണിക്കലും സെക്രട്ടറി സാജന ജി നായരും അറിയിച്ചു
