തലശ്ശേരിയിൽ എക്സൈസ് ഉദ്യോഗസ്ഥരെ ആക്രമിച്ച് രക്ഷപ്പെട്ട കഞ്ചാവ് വിൽപ്പനക്കാരനെ പോലീസ് അറസ്റ്റ് ചെയ്തു . ചാലിൽ ചാക്കിരി ഹൗസിൽ കെ.എൻ. നസീർ (30) ആണ് . തലശ്ശേരി എക്സൈസ് റെയ്ഞ്ച് പ്രിവന്റീവ് ഓഫീസർ കെ. സി. ഷിബു , സിവിൽ എക്സൈസ് ഓഫീസർ ജിജീഷ് ചെരുവായി എന്നിവരെ ആക്രമിച്ചെന്നാണ് കേസ് .
മഫ്ടിയിലെത്തിയ ഉദ്യോഗസ്ഥർ പ്രതിയെ പിടികൂടാൻ ശ്രമിച്ചപ്പോൾ വാഹനത്തിന്റെ ഗ്ലാസു കൊണ്ട് ആക്രമിക്കുകയും കല്ലു കൊണ്ട് തലയ്ക്ക് അടിക്കുകയും ചെയ്തന്നാണ് പരാതി. തലശ്ശേരി ടൗണിലെ ലോഡ്ജിനു സമീപം 16 – ന് രാവിലെയാണ് കേസിനാസ്പദമായ സംഭവം . കഞ്ചാവ് കൈവശം വച്ചതിന് ഇയാൾക്കെതിരെ എക്സൈസ് കേസെടുത്തിരുന്നു .
ഉദ്യോഗസ്ഥരുടെ കൃത്യ നിർവഹണത്തിന് തടസ്സം നിൽക്കുകയും അക്രമിക്കുകയും ചെയ്തതിന് നടപടി ആവശ്യപ്പെട്ട് എക്സൈസ് ഇൻസ്പെക്ടർ തലശ്ശേരി പോലീസിൽ പരാതി നൽകിയിരുന്നു . കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു .
