നിതീഷ് കുമാർ മന്ത്രിസഭ വികസിപ്പിച്ചു
പാറ്റ്ന : ബീഹാർ മന്ത്രിസഭാ വികസിപ്പിച്ചു . കഴിഞ്ഞ വർഷം അധികാരമേറ്റതിനു ശേഷമുള്ള ആദ്യത്തെ മന്ത്രി സഭാ വികസനമാണിത്. സഖ്യകക്ഷിയായ ബിജെപി യുടെ നേതാവും മുൻ കേന്ദ്രമന്ത്രിയുമായിരുന്നു ഷാനവാസ് ഹുസ്സയിൻ സത്യപ്രതിജ്ഞ ചെയ്തു. ആത്മഹത്യ ചെയ്ത മുൻ ബോളിവുഡ് താരം സുശാന്ത് സിങ് രാജ്പുതിന്റെ ബന്ധുവും ഇന്ന് സത്യപ്രതിജ്ഞ ചെയ്ത പ്രമുഖരിൽ ഉൾപ്പെടും.
20 വർഷം മുൻപ് ഒന്നാം ബി ജെ പി മന്ത്രിസഭയിൽ അംഗമായിരുന്നു ഷാനവാസ് ഹുസ്സയിൻ. കിഷൻഗഞ്ചിൽ നിന്നും ഭഗൽപൂരിൽ നിന്നും ലോക്സഭയിലേക്ക് തെരഞ്ഞെടുക്കപ്പെട്ടിട്ടുണ്ട്. കഴിഞ്ഞ മാസം ബീഹാർ ലെജിസ്ലേറ്റിവ് കൗൺസിലിലേക്ക് എതിരില്ലാതെ തെരഞ്ഞെടുക്കപ്പെട്ടിരുന്നു. നിലവിൽ ബി ജെ പി കേന്ദ്ര തെരഞ്ഞെടുപ്പ് സമിതി അംഗവും പാർട്ടി വക്താവുമാണ്. രേണു ശർമ്മയാണ് ഭാര്യ.
