തിരുവനന്തപുരം: കവടിയാര് ടെന്നിസ് ക്ലബ് എന്ക്ലേവില്നിന്ന് ഭഗവതി നഗറിലേക്ക് പോകുന്ന വഴിവക്കില് മാലിന്യം തള്ളുന്നത് പരിസരവാസികള്ക്കും കാല്നടക്കാര്ക്കും ബുദ്ധിമുട്ടാകുന്നു. ഇതുമൂലം പരിസരത്ത് തെരുവുനായ ശല്യം രൂക്ഷമാണ്.
കോര്പറേഷന് മുന് കൗണ്സിലര്മാരും നിലവിലെ കൗണ്സിലറും ഏറെ വി. ഐ. പി കളും താമസിക്കുന്ന പ്രദേശമായിട്ടും അധികൃതര് നടപടിയെടുക്കുന്നില്ലെന്ന് ആക്ഷേപമുണ്ട്. പ്രഭാത സവാരിക്കിറങ്ങുന്നവരെ തെരുവുനായ്ക്കള് ആക്രമിക്കുന്നതും പതിവാണെന്ന് നാട്ടുകാര് പറയുന്നു.
തെരഞ്ഞെടുപ്പ് കാലമായിരുന്നതിനാല് നഗരത്തില് പലയിടത്തും മാലിന്യനീക്കം കാര്യക്ഷമമായിരുന്നില്ല. ഈ സാഹചര്യം മുതലെടുത്താണ് നഗരത്തിന്റെ മുക്കിലും മൂലയിലും മാലിന്യം തള്ളുന്നത്. മഴ ശക്തമായതോടെ മാലിന്യം റോഡിലേക്ക് ഒലിച്ചിറങ്ങി ആരോഗ്യപ്രശ്നങ്ങള്ക്കും കാരണമാകുന്നു.