ഇ – പോസ് മെഷിൻ പ്രവർത്തന രഹിതമായതിനെ തുടർന്ന് സംസ്ഥാനത്തെ 14217 റേഷൻ വിതരണ കേന്ദ്രങ്ങളിലും ഇന്ന് രാവിലെ മുതൽ വിതരണം മുടങ്ങി.
ഇന്ന് രാവിലെ മുതൽ ഇ – പോസ് മെഷിനിൽ ലൈസൻസ് കീ ഹാസ് എക്സ്പെർഡ് എന്നാണ് എഴുതികാണിക്കുന്നതെന്നും റേഷൻ വിതരണം നടത്താൻ കഴിയുന്നില്ലെന്നും വ്യാപാരികൾ പറയുന്നു. സംസ്ഥാനത്ത് റേഷൻ വിതരണം സുഖമമാക്കാനായി സ്ഥാപിച്ച ഇ – പോസ് മെഷിൻ നെറ്റ് വർക്ക് പ്രശ്നം മൂലവും സർവർ തകരാർ മൂലവും പലപ്പോഴും പണി മുടക്കുന്നത് പതിവാണെങ്കിലും ഇത്തരത്തിൽ ഇത് ആദ്യമാണെന്നും വ്യാപാരികൾ പറഞ്ഞു.
