കൊടിയത്തൂർ: മാസ് റിയാദ് പ്രവർത്തകരുടെ കുട്ടികൾക്കായി രൂപം നൽകിയ എജ്യൂകഫേയുടെ ആഭിമുഖ്യത്തിൽ എജ്യൂടൈൻമെൻ്റ് ക്യാമ്പ് ഇന്ന് സെപ്റ്റംബർ 3 ശനിയാഴ്ച കാലത്ത് 9 മണി മുതൽ വൈകിട്ട് 5 മണി വരെ സൗത്ത് കൊടിയത്തൂർ സലഫി പ്രൈമറി സ്കൂൾ ഹാളിൽ വെച്ച് നടക്കും.
ആറാം ക്ലാസ് മുതൽ പ്ലസ്ടു വരെയുള്ള കുട്ടികളെ ഉൾപ്പെടുത്തിയാണ്‌ എജ്യൂകഫേ എന്ന ക്ലബ്ബിന് രൂപം നൽകിയത്. ചടങ്ങിൽ വിനോദം, കായികം, ബോധവൽക്കരണ ക്ലാസുകൾ തുടങ്ങിയവ സംബന്ധിച്ച് പ്രമുഖ വ്യക്തികൾ സംബന്ധിക്കും. പരിപാടിയുടെ ഭാഗമായി എസ്എസ്എൽസി പ്ലസ് ടു പരീക്ഷകളിൽ വിജയിച്ച മാസ് അംഗങ്ങളുടെ കുട്ടികളെ ചടങ്ങിൽ ആദരിക്കുന്നതുമാണ്.
