കൊച്ചി: ആനക്കൊമ്പ് കൈവശം വച്ച കേസില് നടന് മോഹന്ലാല് ഹൈക്കോടതിയെ സമീപിച്ചു.കേസ് പിന്വലിക്കാനുള്ള സര്ക്കാര് ഹര്ജി തള്ളിയതിനെതിരെയാണ് ഹര്ജി. പെരുമ്പാവൂര് മജിസ്ട്രേറ്റ് കോടതി ഉത്തരവ് റദ്ദാക്കണമെന്നാണ് മോഹന്ലാലിന്റെ ഹര്ജിയിലെ ആവശ്യം.
പെരുമ്പാവൂര് മജിസ്ട്രേറ്റ് കോടതി വസ്തുതകളും നിയമ വശവും പരിശോധിച്ചില്ലെന്ന് ഹര്ജിയില് പറയുന്നു.തനിക്കെതിരെ തെളിവില്ലാത്തതിനാലാണ് സര്ക്കാര് കേസ് പിന്വലിക്കാന് അപേക്ഷ നല്കിയതെന്നും ഹര്ജിയിലുണ്ട്.
2012ലാണ് മോഹന്ലാലിന്റെ വീട്ടില് നിന്ന് ആനക്കൊമ്പ് പിടികൂടിയത്.4 ആനക്കൊമ്പുകളായിരുന്നു ആദായ നികുതി വകുപ്പ് മോഹന്ലാലിന്റെ വീട്ടില് നിന്ന് കണ്ടെത്തിയത്. ആനക്കൊമ്പ് മോഹന്ലാലിന് കൈമാറിയ കൃഷ്ണകുമാറും ഹൈക്കോടതിയെ സമീപിച്ചിട്ടുണ്ട്.
