ഖത്തറില് നിന്നുള്ള ഈ വര്ഷത്തെ ഹജ്ജ് രജിസ്ട്രേഷന് നടപടികള്ക്ക് ബുധനാഴ്ച മുതല് തുടക്കമാവുമെന്ന് ഇസ്ലാമിക മതകാര്യ വകുപ്പ് -ഔഖാഫിനു കീഴിലെ ഹജ്ജ് -ഉംറ വിഭാഗം അറിയിച്ചു.
http://hajj.gov.qa എന്ന വെബ്സൈറ്റ് വഴിയാണ് രജിസ്ട്രേഷന്. ഖത്തര് പൗരന്മാര് സര്ക്കാറിനു കീഴില് ഹജ്ജ് ചെയ്യാന് അവസരം. മെയ് 12ന് മുൻപായി യോഗ്യരായ വിഭാഗം ആളുകള്ക്ക് രജിസ്റ്റര് ചെയ്യാം.
സൗദി ഹജ്ജ് -ഉംറ മന്ത്രാലയത്തിന്റെ മാനദണ്ഡങ്ങള് പ്രകാരമായിരിക്കും ഹജ്ജിന് അപേക്ഷകരെ സ്വീകരിക്കുന്നത്. 18നും 65നും ഇടയില് പ്രായമുള്ളവരും കോവിഡ് പ്രതിരോധ കുത്തിവെപ്പിന്റെ അടിസ്ഥാന ഡോസുകള് സ്വീകരിച്ചവരും ആയിരിക്കണം. കൂടുതല് വിവരങ്ങള്ക്ക് ഔഖാഫിന്റെ ഹോട്ലൈന് സേവന നമ്പറായ 132 ല് വിളിക്കാം. ഹജ്ജ് ഒരുക്കങ്ങള് സംബന്ധിച്ച് കാര്യങ്ങള് ഗ്രഹിക്കുന്നതിനായി പ്രതിനിധി സംഘം സൗദി അറേബ്യ സന്ദര്ശിക്കുകയും, മന്ത്രാലയവുമായി ചര്ച്ച നടത്തുകയും ചെയ്തതായി ഔഖാഫ് മന്ത്രി ഗാനിം ബിന് ഷഹീന് ബിന്ഗാനിം അല് ഗാനിം പറഞ്ഞു.