കാസർകോട്: കാസർകോട് മെഡിക്കൽ കോളോജിനോട് സർക്കാർ കാണിക്കുന്ന അവഗണനയിൽ പ്രതിഷേധിച്ച് മുസ്‌ലിം യൂത്ത് ലീഗ് പ്രവർത്തകർ ആരോഗ്യ മന്ത്രി വീണാജോർജിനു നേരെ കരിങ്കൊടി കാണിച്ചു. വെള്ളിയാഴ്ച രാവിലെ 9 മണിയോടെയാണ്‌ സംഭവം.
മൊഗ്രാലിൽ യുനാനി ആശുപത്രിയുടെ ഉദ്ഘാടനത്തിന് പോകുമ്പോൾ മൊഗ്രാൽ പുത്തൂരിൽ വെച്ചാണ് യൂത്ത് ലീഗ് സംസ്ഥാന വൈസ് പ്രസിഡന്റ് അഷ്റഫ് എടനീർ ജില്ലാ പ്രസിഡന്റ് അസീസ് കളത്തൂർ ജനറൽ സെക്രട്ടറി സഹീർ ആസിഫ് എന്നിവരുടെ നേതൃത്വത്തിൽ ആറുപേർ കരിങ്കൊടി കാട്ടിയത്.പോലീസെത്തി പ്രതിഷേധം നടത്തിയവരെ അറസ്റ്റ് ചെയ്തു നീക്കി. ഉക്കിനടുക്ക കാസർകോട് ഗവ. മെഡിക്കൽ കോളജ് ഹോസ്‌റ്റൽ ശിലാസ്ഥാപനം, കാഞ്ഞങ്ങാട് ജില്ല ആശുപത്രി നവജാത ശിശുക്കളുടെ പരിചരണത്തിനുള്ള എസ്എൻസിയു പീഡിയാട്രിക് വാർഡ് എന്നിവയുടെ ഉദ്ഘാടനം, കുടുംബാരോഗ്യ കേന്ദ്രം തൈക്കടപ്പുറം, ഓലാട്ട് കുടുംബാരോഗ്യ കേന്ദ്രത്തിന്‍റെ ഉദ്ഘാടനം തുടങ്ങിയവയാണ് ജില്ലയില്‍ മന്ത്രിയുടെ ഇന്നത്തെ ഔദ്യോഗിക പരിപാടികൾ.
www.mediawings.in
