സ്ട്രോക്കിനുള്ള അപകട ഘടകമായി പ്രായം കണക്കാക്കപ്പെടുന്നുണ്ടെങ്കിലും 65 വയസ്സിന് താഴെയുള്ളവരിലാണ് മൂന്നിലൊന്ന് സ്ട്രോക്കുകളും കാണപ്പെടുന്നത്.
ചില ആളുകള്‍ക്ക് സ്ട്രോക്ക് ഉണ്ടാകാനുള്ള സാധ്യത കൂടുതലാണെങ്കിലും ആരോഗ്യകരമായ ഭാരവും ജീവിതശൈലിയും അപകടസാധ്യത കുറയ്ക്കുന്നതിന് സഹായിക്കുന്നു.
ഉയര്‍ന്ന ബോഡി മാസ് ഇന്‍ഡക്സ് (ബി.എം.ഐ) ഉള്ള ആളുകള്‍ക്ക് ഏത് പ്രായത്തിലും സ്ട്രോക്ക് വരാനുള്ള സാധ്യത കൂടുതലാണെന്ന് പഠനങ്ങള്‍ സൂചിപ്പിക്കുന്നു. അമിതഭാരം ഉയര്‍ന്ന രക്തസമ്മര്‍ദ്ദത്തിന് കാരണമാകുമെന്ന് അറിയപ്പെടുന്നു. ഇത് സ്ട്രോക്കിന്റെ പ്രധാന കാരണങ്ങളിലൊന്നാണ്.
കൂടാതെ, അമിതഭാരം ഉയര്‍ന്ന രക്തത്തിലെ പഞ്ചസാര, ഉയര്‍ന്ന കൊളസ്ട്രോള്‍, ഉയര്‍ന്ന ട്രൈഗ്ലിസറൈഡുകള്‍ എന്നിവയുടെ സ്വഭാവ സവിശേഷതകളുള്ള മെറ്റബോളിക് സിന്‍ഡ്രോമിലേക്ക് നയിക്കുന്നു. ആളുകള്‍ കൂടുതല്‍ ഉപാപചയ അപകടസാധ്യത ഘടകങ്ങള്‍ അനുഭവിക്കുന്നു. അവരില്‍ സ്ട്രോക്കിനുള്ള സാധ്യത കൂടുതലാണ്.
കാലക്രമേണ, ഈ അവസ്ഥകള്‍ മസ്തിഷ്കത്തിന്റെയും ഹൃദയത്തിന്റെയും രക്തക്കുഴലുകള്‍ക്ക് കേടുപാടുകള്‍ വരുത്തുകയും രക്തം കട്ടപിടിക്കുന്നതിനുള്ള സാധ്യത വര്‍ദ്ധിപ്പിക്കുകയും മസ്തിഷ്കത്തിലേക്ക് നീങ്ങുകയും സ്ട്രോക്കിലേക്ക് നയിക്കുകയും ചെയ്യും. അമിതഭാരമുള്ള ആളുകള്‍ക്ക് മെറ്റബോളിക് സിന്‍ഡ്രോം ഉണ്ടാകാന്‍ സാധ്യതയുണ്ട്. അത് സ്ട്രോക്കിനുള്ള സാധ്യത വര്‍ദ്ധിപ്പിക്കുന്നു.
