വേറിട്ട പ്രഖ്യാപനവുമായി ഇൻഡിഗോ എയർലൈൻസ്
ന്യൂഡൽഹി : കൊറോണ പ്രതിരോധ വാക്സിൻ സ്വീകരിച്ചവർക്ക് വിമാന ടിക്കറ്റ് നിരക്കിൽ ഡിസ്‌കൗണ്ട് വാഗ്ദാനം ചെയ്ത് ഇൻഡിഗോ എയർലൈൻസ്. വാക്‌സിന്റെ ഒരു ഡോസ് അല്ലെങ്കിൽ രണ്ട് ഡോസ് സ്വീകരിച്ചവർക്കാകും ഡിസ്‌കൗണ്ട് ലഭ്യമാകുക.
ഇന്ന് മുതലാണ് ഡിസ്‌കൗണ്ട് ഓഫർ നിലവിൽ വരിക. പതിനെട്ട് വയസിന് മുകളിലുള്ളവർക്കാണ് ഈ ആനുകൂല്യം ലഭിക്കുക.
ടിക്കറ്റ് ബുക്ക് ചെയ്യുന്ന സമയത്ത് ഇന്ത്യയിലുണ്ടായിരിക്കണം, കൊറോണ വാക്സിൻ സ്വീകരിച്ചിട്ടുണ്ടായിരിക്കണം തുടങ്ങിയവയാണ് മറ്റ് നിബന്ധനകൾ.
ഡിസ്‌കൗണ്ട് ലഭിച്ചവർ കേന്ദ്ര ആരോഗ്യമന്ത്രാലയം നൽകുന്ന കൊറോണ വാക്സിനേഷൻ സർട്ടിഫിക്കേറ്റ് ഹാജരാക്കണം എന്നും നിർദ്ദേശമുണ്ട്. അല്ലെങ്കിൽ ആരോഗ്യ സേതു മൊബൈൽ ആപ്പിൽ വാക്സിനേഷൻ സ്റ്റാറ്റസ് വിമാനത്താവളത്തിലെ ബോർഡിങ് ഗേറ്റിൽ കാണിക്കണം.
