ദുബായ്: കാമുകിയെ ബ്ലാക്ക് മെയില്‍ ചെയ്‍ത പ്രവാസി യുവാവിന് മൂന്ന് വര്‍ഷം ജയിൽ ശിക്ഷ. ശിക്ഷ പൂർത്തിയാക്കിയ ശേഷം ഇയാളെ ഇവിടെ നിന്നും നാട് കടത്തും. ദുബായ് ക്രിമിനല്‍ കോടതിയാണ് ശിക്ഷ വിധിച്ചത്. കഴിഞ്ഞ വർഷം മേയിൽ ആണ് സംഭവം നടക്കുന്നത്. വിചാരണ പൂർത്തിയാക്കിയ ശേഷം കഴിഞ്ഞ ദിവസം കോടതി ഇതുമായി ബന്ധപ്പെട്ട് ഉത്തരിവിട്ടത്.
കാമുകിയെ തടഞ്ഞുവെച്ച് ഉപദ്രവിക്കുകയും, അവരുടെ അശ്ലീല ചിത്രങ്ങള്‍ ഇയാൾ പകർത്തുകയും ചെയ്തു. പിന്നീട് ഇത് സോഷ്യൽ മീഡിയയിൽ പോസ്റ്റ് ചെയ്യും എന്ന് പറഞ്ഞു ഭീഷണിപ്പെടുത്തി. ഇയാൾ കാമുകിയെ രാവിലെ ഫോണിൽ വിളിച്ച് അല്‍ ഖൂസിലെ ഒരു കൊമേഴ്സ്യല്‍ സെന്ററില്‍ സമീപമുള്ള റുമൈല സ്‍ക്വയറില്‍ എത്താന്‍ ആവശ്യപ്പെടുകയായിരുന്നു.
യുവാവിന് എന്തോപ്രശ്നം ഉണ്ടെന്ന് കരുതിയാണ് താൻ അവിടെ എത്തിയതെന്നാണ് യുവതി പറയുന്നത്. എന്നാൽ അവിടെ വെച്ച് തന്നെ കത്തികാണിച്ച് ഭീഷണിപ്പെടുത്തി ആളൊഴിഞ്ഞ സ്ഥലത്തേക്ക് കൊണ്ടുപേകുകയായിരുന്നു. അവിടെ വെച്ച് തന്നേട് മോശമായി പെരുമാറി. മാന്യമല്ലാത്ത ചില പ്രവൃത്തികള്‍ ചെയ്യാൻ നിർബന്ധിച്ചു. വഴങ്ങിയില്ലെങ്കിൽ കൊല്ലുമെന്ന് ഭീഷണിപ്പെടുത്തി. തുടർന്ന് തന്റെ അശ്ലീല ചിത്രങ്ങള്‍ പകര്‍ത്തി.
ഫോട്ടോകള്‍ കളയാൻ യുവതി ഒരുപാട് പറഞ്ഞു. എന്നാൽ പ്രതി അത് കേട്ടില്ല. ഭാവിയിൽ താൻ എപ്പോൾ വിളിക്കുമ്പോഴും വരണമെന്നും വന്നില്ലെങ്കിൽ ഈ ചിത്രങ്ങൾ സോഷ്യൽ മീഡിയയിൽ പേസ്റ്റ് ചെയ്യുമെന്നും യുവാവ് ഭീഷണിപ്പെടുത്തി. എന്നാൽ യുവതി പോലീസിൽ പരാതി നൽകി. ഭയന്ന നിലയിൽ ആയിരുന്നു യുവതിയെ ആദ്യം കാണുമ്പോൾ ഉണ്ടായതെന്ന് പൊലീസ് ഉദ്യോഗസ്ഥന്‍ കോടതിയിൽ മൊഴി നൽകി. പിന്നീട് പോലീസ് അന്വേഷണം നടത്തി യുവാവിനെ അറസ്റ്റ് ചെയ്തു. കത്തി കാണിച്ച് യുവതിയെ ഭീഷണിപ്പെടുത്തുകയും അവരുടെ സമ്മതമില്ലാതെ ചിത്രങ്ങള്‍ പകര്‍ത്തിയെന്നും ആണ് ഇവർക്കെതിരെ കേസ് രജിസ്റ്റർ ചെയ്തിരിക്കുന്നത്. വിചാരണ നടപടികളിൽ പ്രതി കുറ്റക്കാരൻ ആണെന്ന് കോടതി കണ്ടെത്തി. പിന്നീട് ശിക്ഷ
വിധിക്കുകയായിരുന്നു.
