കണ്ണൂര്‍ പോസ്റ്റല്‍ ഡിവിഷന്റെ ആഭിമുഖ്യത്തില്‍ സ്‌കൂള്‍ വിദ്യാര്‍ഥികള്‍ക്കായി സംഘടിപ്പിക്കുന്ന ഓണ്‍ലൈന്‍ ഫിലാറ്റലി ശില്‍പശാലയ്ക്ക് തുടക്കമായി. കണ്ണൂര്‍ ഡിവിഷണല്‍ ഓഫീസില്‍ നടന്ന ചടങ്ങ് കോഴിക്കോട് റീജിയണല്‍ പോസ്റ്റ് മാസ്റ്റര്‍ ജനറല്‍ ടി നിര്‍മല ദേവി ഉദ്ഘാടനം ചെയ്തു. കണ്ണൂര്‍ ശ്രീനാരായണ വിദ്യാമന്ദിര്‍ സീനിയര്‍ സെക്കണ്ടറി സ്‌കൂളിലെ നൂറ്റിഇരുപതോളം വിദ്യാര്‍ഥികളാണ് ആഴ്ചയില്‍ ഒന്നു വീതം അഞ്ചു സെഷനുകളിലായി നടത്തുന്ന ശില്‍പശാലയില്‍ പങ്കെടുക്കുന്നത്. ലോക്ഡൗണ്‍ നിയന്ത്രണങ്ങളുടെ സാഹചര്യത്തിലാണ് ഫിലാറ്റലി ശില്‍പശാല ഓണ്‍ലൈനായി നടത്താന്‍ തീരുമാനിച്ചത്. പ്രശസ്ത ഫിലാറ്റലിസ്റ്റ് ശ്രീദീപ് ‘ഫിലാറ്റലിക്ക് ഒരാമുഖം’ എന്ന വിഷയത്തില്‍ ക്ലാസെടുത്തു. ചടങ്ങില്‍ പോസ്റ്റല്‍ സൂപ്രണ്ട് പി കെ ശിവദാസന്‍ അധ്യക്ഷനായി. സ്‌കൂള്‍ പ്രിന്‍സിപ്പല്‍ രാജീവന്‍ പാലോത്ത്, ദീപിക ജയ്ദാസ്, പ്രദ്യു, പി ഇ നാരായണന്‍ തുടങ്ങിയവര്‍ പങ്കെടുത്തു.
Trending Now
