വായനാമുറി തുറന്നു..

പുള്ളൂർ: പള്ളൂർ ഗവ: ആശുപത്രിയിൽ സർവീസിൽ നിന്നും വിരമിച്ച ഫാർമസിസ്റ്റ് കെ.ഹരിദാസൻ സംഭാവന ചെയ്ത വായനാമുറി മാഹി എം.എൽ.എ രമേശ് പറമ്പത്ത് ഉൽഘാടനം ചെയ്തു. അന്യം നിന്ന സൗഹൃദത്തെ നാം ഊട്ടി ഉറപ്പിക്കേണ്ടതുണ്ടെന്നും പള്ളൂർ ആശുപത്രി വികസനത്തിന് ജീവനക്കാരുടെ കൂട്ടായ്മ പ്രശംസനീയമാണെന്നും മാഹി എം എൽ എ അഭിപ്രായപ്പെട്ടു.പ്രമുഖ സാഹിത്യകാരൻ എം.മുകുന്ദൻ മുഖ്യപ്രഭാഷണം നടത്തി. ഡോ. ടി.വി പ്രകാശിൻ്റെ അധ്യക്ഷതയിൽ ചേർന്ന യോഗത്തിൽ കെ.ഹരിദാസൻ സംസാരിച്ചു. ഡോ. നമിത വിജേഷ് സ്വാഗതവും ടി.കെ.ജയപ്രസാദ് നന്ദിയും പറഞ്ഞു.