അല്‍അഹ്സ: യൂത്ത് കോണ്‍ഗ്രസ് സംസ്ഥാന പ്രസിഡന്‍റ് ശാഫി പറമ്ബില്‍ എം.എല്‍.എക്ക് ഒ.ഐ.സി.സി അല്‍അഹ്സ ഏരിയ കമ്മിറ്റി സ്വീകരണം നല്കി.
ദമ്മാമില്‍നിന്നും ഹുഫൂഫ് വഴി ഖത്തറിലേക്ക് കുടുംബസമേതം പോകുന്ന യാത്രാമധ്യേ അല്‍അഹ്സ മഹാസിനില്‍ മഹാരാജ ഹോട്ടലിലാണ് ശാഫി പറമ്ബിലിന് സ്വീകരണം നല്കിയത്.
അഹ്സ ഏരിയ കമ്മിറ്റി ചെയര്‍മാന്‍ ഫൈസല്‍ വാച്ചാക്കല്‍, ദമ്മാം പാലക്കാട് ജില്ല കമ്മിറ്റി ട്രഷറര്‍ സമീര്‍ പനങ്ങാടന്‍, വനിതവേദി സെക്രട്ടറി രിഹാന നിസാം എന്നിവര്‍ ബൊക്കെ നല്കി വരവേറ്റു. ജനറല്‍ സെക്രട്ടറി ശാഫി കുദിര്‍, കണ്‍വീനര്‍ നവാസ് കൊല്ലം, മീഡിയ കണ്‍വീനര്‍ ഉമര്‍ കോട്ടയില്‍, യൂത്ത് വിങ് ജനറല്‍ സെക്രട്ടറി അര്‍ശദ് ദേശമംഗലം എന്നിവര്‍ ഷാളണിയിച്ചു.
നിസാം വടക്കേകോണം, പ്രസാദ് കരുനാഗപ്പള്ളി, കുഞ്ഞുമോന്‍ കായംകുളം, സബീന അഷ്റഫ്, സഹീര്‍ ചുങ്കം, ഷാനി ഓമശ്ശേരി, അഫ്സല്‍ തിരൂര്‍ക്കാട്, ഡോ. ദാവൂദ്, ലിജു വര്‍ഗീസ്, അഷ്റഫ് കരുവത്ത്, സെബി ഫൈസല്‍, മഞ്ജു നൗഷാദ്, അമീറ സജീം, ബിന്ദു ശിവപ്രസാദ്, റിജോ കോട്ടയം, സജീം കുമ്മിള്‍, അഫ്സല്‍ അഷ്റഫ് എന്നിവര്‍ സ്വീകരണ പരിപാടിക്ക് നേതൃത്വം നല്കി.
ദമ്മാം റീജനല്‍ കമ്മിറ്റി നേതാക്കളായ ജനറല്‍ സെക്രട്ടറി ഇ.കെ. സലീം, ട്രഷറര്‍ റഫീഖ് കൂട്ടിലങ്ങാടി, നിസാര്‍ മാന്നാര്‍, അജാസ് പാലക്കാട്, ഹമീദ് മരക്കാശ്ശേരി, ഷിജില ഹമീദ് എന്നിവരോടൊപ്പം സൗദി ഖത്തര്‍ അതിര്‍ത്തിയായ സല്‍വ വഴി ഖത്തറിലേക്ക് പോയി.
