ശബരിമല : ഈ വർഷത്തെ ഉത്രം ഉത്സവത്തിന് പമ്പയിൽ നടന്ന ആറാട്ടോടെ സമാപനം. ഇന്ന് ഉഷപൂജക്ക് ശേഷം ആറാട്ടുബലി നടന്നു. തുടർന്ന് പമ്പയിലേക്കുള്ള ആറാട്ട് പുറപ്പാട് ഘോഷയാത്രയ്ക്ക് പമ്പയിൽ ദേവസ്വം ബോർഡ് പ്രസിഡന്റ് അഡ്വ.എൻ.വാസു, ശബരിമല സ്‌പെഷ്യൽ കമ്മീഷണർ മനോജ് എന്നിവർ ചേർന്ന് ആചാരപൂർവ്വമുള്ള സ്വീകരണം നൽകി. ശേഷം പ്രത്യേകം ക്രമീകരിച്ചിട്ടുള്ള ആറാട്ട് മണ്ഡപത്തിൽ ആറാട്ട് പൂജ നടന്നു.
