എന്‍ ഡി എയുടെ തിരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്ര മോദി ഇന്ന് വീണ്ടും കേരളത്തിലെത്തും. രണ്ട് ദിവസം മുമ്പ് പാലക്കാട് വന്ന് മടങ്ങിയ മോദി ഇന്ന് കോന്നിയിലും തിരുവനന്തപുരത്തുമാണ് പ്രചാരണത്തിനായി എത്തുന്നത്.
കെ സുരേന്ദ്രന്‍ മത്സരിക്കുന്ന കോന്നിയിലാണ് ആദ്യ പൊതുയോഗം. ഉച്ചയ്ക്ക് 1.15നാണ് കോന്നി രാജീവ്ഗാന്ധി ഇന്‍ഡോര്‍ സ്റ്റേഡിയത്തില്‍ സമ്മേളനം നടക്കുക. തുടര്‍ന്ന് 2.05ന് കന്യാകുമാരിയിലേക്ക് പോകും.
വൈകുന്നേരത്തോടെ തിരുവനന്തപുരം വിമാനത്താവളത്തിലെത്തുന്ന പ്രധാനമന്ത്രി അഞ്ചിന് കാര്യവട്ടം സ്‌പോര്‍ട്‌സ് ഹബ്ബ് സ്റ്റേഡിയത്തിലെ പൊതുസമ്മേളനത്തില്‍ പങ്കെടുക്കും. മഹാറാലിക്കുശേഷം വിമാനത്താവളത്തില്‍ എത്തുന്ന പ്രധാനമന്ത്രി പ്രത്യേക വിമാനത്തില്‍ ഡല്‍ഹിക്ക് മടങ്ങും.
