കോഴിക്കോട്: പറമ്പിൽ ബസാറില്‍ ടെക്സ്റ്റൈല്‍ ഷോറൂം തീവെച്ച്‌ നശിപ്പിച്ചു. നാല് ദിവസം മുൻപ് ഉദ്ഘാടനം ചെയ്ത ഇരുനില വസ്ത്രവ്യാപാര ശാലയാണ് പൂര്‍ണമായും കത്തിനശിച്ചത്.
വ്യാഴാഴ്ച പുലര്‍ച്ചെ 1.45ഓടെ പിക്കപ്പ് വാഹനത്തിലെത്തിയ മൂന്നംഗസംഘം ഷോറൂമിന് തീ വെക്കുന്നത് സമീപത്തെ സി സി ടി വി ദൃശ്യങ്ങളില്‍ നിന്ന് വ്യക്തമായി.
1.25 കോടി രൂപയുടെ നഷ്ടം സംഭവിച്ചതായി ഉടമ പി ടി നിജാസ് പറഞ്ഞു. സംഭവത്തില്‍ ചേവായൂര്‍ പോലീസ് കേസെടുത്ത് അന്വേഷണം ആരംഭിച്ചു.
