ദീർഘകാലത്തെ ഇടവേളക്ക്​ ശേഷം മീര ജാസ്​മിൻ തിരിച്ചു വരുന്നു

കൊച്ചി: ദീർഘകാലത്തെ ഇടവേളക്ക്​ ശേഷം മീര ജാസ്​മിൻ നായികയായി മലയാളത്തിലേക്ക്​ തിരിച്ചുവരുന്നു. ജയറാമും മീര ജാസ്​മിനും കേന്ദ്ര കഥാപാത്രങ്ങളാകുന്ന ചിത്രത്തിന്‍റെ വിശേഷങ്ങൾ സംവിധായകനായ സത്യൻ അന്തിക്കാടാണ്​ പുറത്തുവിട്ടത്​. സെൻട്രൽ പ്രൊഡക്ഷൻസ് നിർമാണം നിർവഹിക്കുന്ന ചിത്രത്തിന്‍റെ രചന നിർവഹിക്കുന്നത്​ ഡോ. ഇഖ്​ബാൽ കുറ്റിപ്പുറമാണ്​. എസ്. കുമാർ ആണ് ഛായാഗ്രഹണം. അമ്പിളിയിലെ “ആരാധികേ” എന്ന ഗാനത്തിലൂടെ ശ്രദ്ധേയനായ വിഷ്ണു വിജയ് സംഗീതം നിർവഹിക്കുന്ന ഗാനങ്ങൾക്ക്​ ഹരിനാരായണനാണ് വരികൾ എഴുതുന്നത്.