കാളികാവ് : ബസില്‍ നിന്ന് തെറിച്ച്‌ വീണ് ഗുരുതരമായി പരിക്കേറ്റ യുവാവ് മരിച്ചു. ഉദരംപൊയിലിലെ പിലാത്തോടന്‍ അസീസിന്റെ മകന്‍ അമല്‍ ഇഹ്സാന്‍ (22) ആണ് മരിച്ചത്. ശനിയാഴ്ച വൈകുന്നേരം ആറരയോടെയാണ് അപകടം.
നിലമ്പൂരില്‍ നിന്ന് വയറിംഗ്‌ ജോലി കഴിഞ്ഞ് വീട്ടിലേക്ക് മടങ്ങുന്നതിനിടെ വെടിവെച്ചപാറയില്‍ വെച്ച്‌ ബസില്‍ നിന്ന് തെറിച്ച്‌ വീഴുകയായിരുന്നു. വീടിന് സമീപം ബസില്‍ നിന്ന് ഇറങ്ങാനുള്ള ശ്രമത്തില്‍ സീറ്റില്‍ നിന്ന് എണീറ്റപ്പോള്‍ പിന്‍വശത്തെ ഡോര്‍ തുറന്നാണ് തെറിച്ച്‌ വീണത്.
വീഴ്ചയുടെ ആഘാതത്തില്‍ തലക്ക് ഗുരുതരമായി പരിക്കേറ്റിരുന്നു. പെരിന്തല്‍മണ്ണ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. ഞായറാഴ്ച വൈകുന്നേരം ആശുപത്രിയില്‍ വെച്ച്‌ മരിച്ചു.
മാതാവ്: ഷഹര്‍ബാനു. സഹോദരങ്ങള്‍: അമര്‍ നിഷാന്‍, അംജദ് ഷാന്‍, അംന ഷഹര്‍. ഖബറടക്കം പോസ്റ്റ്മോര്‍ട്ട നടപടികള്‍ക്ക് ശേഷം ഉദരംപൊയില്‍ ജുമാ മസ്ജിദ് ഖബര്‍സ്ഥാനില്‍.
