അപകട ഭീഷണിയിൽ നിൽക്കുന്ന പാറക്കല്ലുകൾ പൊട്ടിച്ചു നീക്കണം.

കട്ടിപ്പാറ:കട്ടിപ്പാറ ഗ്രാമപഞ്ചായത്തിലെ മാവുള്ളപൊയിലിലെ മലമുകളിൽ നിന്ന് ശക്തമായ മഴയെ തുടർന്ന്‌ കഴിഞ്ഞ ദിവസം അടർന്നു വന്ന പാറക്കല്ലുകളും ഭീഷണിയായി കിടക്കുന്ന മറ്റ് പാറക്കഷ്ണങ്ങളും പൊട്ടിച്ച് നീക്കുന്നതിന് ആവശ്യമായ നടപടികൾ കട്ടിപ്പാറ പഞ്ചായത്തും ജിയോളജി ഡിപ്പാർട്മെന്റും അടിയന്തിരമായി സ്വീകരിക്കണമെന്നും മാവുള്ളപൊയിലിൽ താമസിക്കുന്ന ജനങ്ങളുടെ ഭീതി അകറ്റണമെന്നും സ്ഥലം സന്ദർശിച്ച എൽ. ഡി. എഫ് ജനപ്രതിനിധികളും അംഗങ്ങളും ആവശ്യപ്പെട്ടു.ഇതുമായി ബന്ധപ്പെട്ട് ജില്ല കളക്ടർക്ക്‌ പരാതി നൽകുകയും ചെയ്തു. കൊടുവള്ളി ബ്ലോക്ക്‌ പഞ്ചായത്ത്‌ അംഗം നിധീഷ് കല്ലുള്ളതോട്, ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയർപേഴ്സൺ ബേബി രവീന്ദ്രൻ, ഗ്രാമ പഞ്ചായത്ത്‌ അംഗം അനിത രവീന്ദ്രൻ, എൽ. ഡി. എഫ് നേതാക്കളായ പി. സി തോമസ്, കരീം പുതുപ്പാടി, കെ.വി സെബാസ്റ്റ്യൻ എന്നിവർ സ്ഥലം സന്ദർശിച്ചു.