പെട്രോൾ പമ്പ് ജീവനക്കാരിയുടെ കഴുത്തിൽ കത്തി കൊണ്ട് കുത്തി പരിക്കേൽപ്പിച്ചു

എസ്റ്റേറ്റ് മുക്കിലെ പെട്രോൾ പമ്പിലെ ജീവനക്കാരിയും കരിയാത്തൻകാവ് സ്വദേശിനിയുമായ ഫിദക്കാണ് പരിക്കേറ്റത്. ഇവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. തിങ്കളാഴ്ച വൈകുന്നേരം നാലരയോടെ ആയിരുന്നു സംഭവം. കരുമലയിൽ താമസിക്കുന്ന വയനാട് സ്വദേശിയായ

ശിവ പ്രസാദാണ് കത്തികൊണ്ട് കുത്തി പരിക്കേൽപ്പിച്ചത്.

ബൈക്കിൽ പെട്രോൾ പമ്പിലെത്തിയ ഇയാൾ ഫിദയോട് സംസാരിക്കുന്നതിനിടെ ഒളിപ്പിച്ചുവെച്ച കത്തിയെടുത്ത് കുത്തുകയായിരുന്നു. ശിവപ്രസാദിനെ നാട്ടുകാർ പിടികൂടി ബാലുശ്ശേരി പോലീസിൽ ഏൽപ്പിച്ചു. ശിവപ്രസാദിൻ്റെ ഭാര്യയുടെ സുഹൃത്താണ് ഫിദ. മുൻ വൈരാഗ്യമാണ് അക്രമത്തിന് കാരണമെന്ന് സംശയിക്കുന്നു.