നാലു പേര്‍ പിടിയിൽ
കാസർകോട്: മയക്കുമരുന്ന് കഞ്ചാവ് മാഫിയകള്‍ തമ്മിലുള്ള കുടിപ്പകയെ തുടര്‍ന്ന് യുവാവിനെ തട്ടിക്കൊണ്ടുപോയി ക്രൂരമായി മര്ദിച്ച് റോഡില്‍ തള്ളിയ സംഭവത്തില്‍ പ്രതികളെ പൊലീസ് വിദഗ്‌ധമായി വലയിലാക്കി. പടന്നക്കാട്ടെ മെഹ്റൂഫിനെയാണ് (27) വെള്ളിയാഴ്ച്ച വൈകിട്ട് തട്ടിക്കൊണ്ടുപോയത്. സംഘത്തില്‍പെട്ട നാലു പേരെ പൊലീസ് അറസ്റ്റ് ചെയ്തു.
ഹണിട്രാപ്പ് കേസുകളടക്കം നിരവധി കേസുകളില്‍ പ്രതിയായ അന്തര്‍ സംസ്ഥാന മോഷ്ടാവ് പള്ളിക്കര മാസ്തികുണ്ട് സ്വദേശിയും ഇപ്പോള്‍ ചെറുവത്തൂര്‍ മടക്കരയില്‍ താമസക്കാരനുമായ കബീര്‍ എന്ന ലാലാ കബീര്‍ (37), ചെറുവത്തൂരിലെ സുഹൈല്‍, വ്യാജഡോക്ടര്‍ കാഞ്ഞങ്ങാട് അംബുക്കയുടെ മകന്‍ കിച്ചു എന്ന റംഷീദ്, സഫ്വാന്‍ എന്നിവരെയാണ് പിടികൂടിയത്. ഇവര്‍ സഞ്ചരിച്ച മലപ്പുറം രജിസ്ട്രേഷന്‍ മാരുതി 800 കാറും കസ്റ്റഡിയിലെടുത്തു.
