ആലപ്പുഴയില്‍ ട്രോള്‍ വീഡിയോ ഷൂട്ട് ചെയ്യുന്നതിനുവേണ്ടി ബൈക്ക് യാത്രികരെ വാഹനമിടിക്കുകയും വീഡിയോ പ്രചരിപ്പിക്കുകയും ചെയ്ത സംഭവത്തില്‍ പൊലീസ് കേസെടുത്തു. ആലപ്പുഴ മഹാദേവിക്കാട് സ്വദേശികളായ സജീഷ് (22), ആകാശ് (20) എന്നിവര്‍ക്കെതിരെയാണ് തൃക്കുന്നപ്പുഴ പൊലീസ് കേസെടുത്തത്. ഒരു യുവാവും വയോധികനും സഞ്ചരിച്ച ബൈക്കിനു പിന്നില്‍ ആഡംബര ബൈക്ക് ഇടിപ്പിച്ച്‌ ട്രോള്‍ വീഡിയോ ഷൂട്ട് ചെയ്യുകയും പ്രചരിപ്പിക്കുകയും ചെയ്ത സംഭവത്തിലാണ് കേസ്.
കേസെടുത്തതിനു പിറകെ സംഭവത്തെക്കുറിച്ചുള്ള ട്രോള്‍ വീഡിയോയും പൊലീസ് പങ്കുവച്ചിട്ടുണ്ട്. യുവാക്കള്‍ വീഡിയോ ഷൂട്ട് ചെയ്യുന്നതിന്റെ ദൃശ്യങ്ങളും ഇത് സംബന്ധിച്ച വാര്‍ത്തയുമെല്ലാം ചേര്‍ത്താണ് പൊലീസിന്റെ ട്രോള്‍ വീഡിയോ.
https://fb.watch/3v5K-T5Iap/
