കണ്ണൂർ : കണ്ണൂർ എകസ്പാട്രിയേറ്റ്സ് ഓർഗനൈസേഷൻ, സൗദി അറേബ്യ (കിയോസ്) കണ്ണൂർ ജില്ലാ പ്രവാസി സംഗമം സംഘടിപ്പിച്ചു. നീണ്ട നാളുകളായി മുടങ്ങിക്കിടന്ന പ്രതിമാസ പരിപാടിയാണ് വെള്ളിയാഴ്ച പയ്യാമ്പലം ബീച്ച് റിസോർട്ടിൽ കോവിഡ് പ്രോട്ടോകോൾ പാലിച്ചു നടന്നത്.
പ്രവാസി സംരംഭം, അതി ജീവനം, തിരിച്ചു പോകാൻ ഉള്ള പ്രയാസം എന്നീ കാര്യങ്ങൾ സർക്കാരിന്റെ ശ്രദ്ധയിൽ കൊണ്ടുവരാൻ ലോക കേരള സഭാംഗം കൂടിയായ ചെയർമാൻ ഡോ: എൻ കെ സൂരജിനെ ചുമതലപ്പെടുത്തി.
ഉച്ചക്ക് ഒന്നര മണിക്ക് ആരംഭിച്ച പരിപാടി നാലര മണിക്ക് അവസാനിച്ചു. മൊയ്‌ദു അറ്റ്ലസ്, എം. എൻ. അബ്ദുൽറഹ്‌മാൻ, ജയദേവൻ, കൂടാളി മുഹമ്മദ് അലി, ഹാഷിം പാപ്പിനെശ്ശേരി, ഷാക്കിർ,ഹർഷാദ് മാച്ചേരി, രാജേന്ദ്രൻ, രാഗേഷ്, പിവി അബ്ദുൽറഹ്‌മാൻ, തുടങ്ങിയവർ പങ്കെടുത്തു. കൺവീനർ അനിൽ കുമാർ ചിറക്കൽ സ്വാഗതവും വിപിൻ അഴീക്കോട്‌ നന്ദിയും പറഞ്ഞു.
പ്രശസ്ത മാപ്പിള പാട്ട് ഗായകൻ ബക്കർ തൊട്ടുമ്മൽ നയിച്ച ഗാന മേളയിൽ ജെംഷി അഴീക്കോടും പങ്കെടുത്തു. ഹിഷാം അഴീക്കോട്‌ ശബ്ദ നിയന്ത്രണം നിർവഹിച്ചു.
