തലശേരിയിൽ വൻ കഞ്ചാവ് വേട്ട; പന്ത്രണ്ടര കിലോ കഞ്ചാവുമായി യുവാക്കൾ അറസ്റ്റിൽ

തലശേരിയിൽ വൻ കഞ്ചാവ് വേട്ട . 12.5 കിലോ കഞ്ചാവുമായി രണ്ട് പേരെ തലശേരി പൊലീസ് അറസ്റ്റ് ചെയ്തു. ആന്ധ്രയിൽ നിന്ന് വയനാട്ടിലേക്ക് കടത്തുകയായിരുന്നു ലക്ഷ്യം . സുൽത്താൻ ബത്തേരി സ്വദേശി അനസ് ( 25 ) , മലപ്പുറം സ്വദേശി നൗഫൽ ( 26 ) എന്നിവരാണ് അറസ്റ്റിലായത് . സർക്കിൾ ഇൻസ്പെക്ടർ സനൽ കുമാർ നടത്തിയ പട്രോളിംഗിനിടെ വൈകീട്ട് മൂന്നരയോടെ പുതിയ ബസ് സ്റ്റാന്റ് പച്ചക്കറി മാർക്കറ്റിന് സമീപം വച്ചാണ് രണ്ട് പേരും പിടിയിലായത് . എ.എസ്.ഐമാരായ രാജീവൻ , സഹദേവൻ , സി.പി ഒ മാരായ ശ്രീജേഷ് , സുജേഷ് , നജിമുദ്ദീൻ , സരുൺ , സുമിത്ത് എന്നിവരും സംഘത്തിലുണ്ടായിരുന്നു .