മലപ്പുറം: പെരിന്തല്‍മണ്ണയില്‍ പതിനേഴുകാരിയെ പീഡിപ്പിച്ച് ഗര്‍ഭിണിയാക്കിയെന്ന കേസില്‍ യുവാവ് അറസ്റ്റില്‍. എരവിമംഗലം കുറ്റിക്കാട്ടുപറമ്പില്‍ രതീഷിനെ(24)യാണ് പെരിന്തല്‍മണ്ണ പോലീസ് അറസ്റ്റുചെയ്തത്.
ഏപ്രില്‍ 25-ന് പെണ്‍കുട്ടിയെ സ്‌കൂട്ടറില്‍ കയറ്റിക്കൊണ്ടുപോയി പ്രതിയുടെ വീട്ടിലെത്തിച്ച് ലൈംഗികാതിക്രമത്തിനു വിധേയമാക്കിയെന്നാണു പരാതി. പെരിന്തല്‍മണ്ണ ശിശു വികസന പദ്ധതി ഓഫീസില്‍നിന്നുള്ള വിവരത്തെത്തുടര്‍ന്ന് കുട്ടിയുടെ മൊഴി രേഖപ്പെടുത്തി പോക്സോ വകുപ്പുകള്‍പ്രകാരം കേസെടുത്തിരുന്നു.
ഡി.എന്‍.എ. പരിശോധനയ്ക്കായി പ്രതിയുടെ രക്തസാംപിള്‍ ശേഖരിച്ചിട്ടുണ്ട്.
