മലപ്പുറം എടവണ്ണ കൊളപ്പാടിനടുത്ത ഏലക്കല്ല് മലയിൽ വിനോദസഞ്ചാര കേന്ദ്രത്തിൽ ഉണ്ടായ അപകടത്തിൽ ഒരാൾ മരണപ്പെട്ടു. രണ്ട് യുവാക്കളും കാൽ വഴുതി മലയിൽ നിന്ന് താഴേക്ക് വീഴുകയായിരുന്നു.
പൊലീസും ഫയർഫോഴ്‌സും സന്നദ്ധ സംഘടനകളും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. ഇരുവരെയും ആശുപത്രിയിൽ എത്തിച്ചെങ്കിലും ഒരാളുടെ ജീവൻ നഷ്ടമായി.
മലപ്പുറം ചട്ടിപറമ്പ് സ്വദേശി റഹ്മാനാണ് മരിച്ചത്. 19 വയസായിരുന്നു. പരുക്ക് പറ്റിയ നിലമ്പൂർ ചക്കാലക്കുത്ത് സ്വദേശി അക്ഷയെ എടവണ്ണ സ്വകാര്യ ആശുപത്രിയിൽ പ്രവേശിപ്പിച്ചു. പരുക്ക് ഗുരുതമായതിനാൽ കോഴിക്കോട് മെഡിക്കൽ കോളേജിലേക്ക് മാറ്റി.
