കണ്ണൂരിലെ എയറോസിസ് കോളേജും സംയുക്തമായി ഏർപ്പെടുത്തിയ ബഷീർ പുരസ്കാരങ്ങൾ നവംബർ 27 ശനിയാഴ്ച രാവിലെ 10 മണിക്ക് കോഴിക്കോട് അളകാപുരി ഹോട്ടലിൽ മന്ത്രി അഹമ്മദ് ദേവർകോവിൽ, മേയർ ഡോക്ടർ ബീന ഫിലിപ്പ്, എം.കെ.രാഘവൻ എം.പി., നജീബ് കാന്തപുരം എം.എൽ.എ. എന്നിവർ സമ്മാനിക്കുമെന്ന് ചെയർമാൻ റഹിം പൂവാട്ടുപറമ്പ് അറിയിച്ചു.
ചലച്ചിത്ര നിർമ്മാതാവ് സ്വർഗ്ഗചിത്ര അപ്പച്ചൻ, നടൻ വിനോദ് കോവൂർ, കവിയും ഗാനരചയിതാവും സാഹിത്യകാരനുമായ പൂച്ചാക്കൽ ഷാഹുൽ, നടനും നാടകകൃത്തും സംവിധായകനുമായ തച്ചിലോട്ട് നാരായണൻ തുടങ്ങിയവർക്ക് പ്രതിഭ പുരസ്കാരങ്ങൾ സമ്മാനിക്കും.
ശാന്ത രാമചന്ദ്ര, കെ.കെ.ജയരാജൻ, സുദീപ് തെക്കേപ്പാട്ട്, ജാസ്മിൻ സമീർ, നാസർ മുതുകാട്, ഷാജി പട്ടിക്കര എന്നിവർക്ക് സാഹിത്യ പുരസ്കാരങ്ങൾ സമ്മാനിക്കും.
സംസ്ഥാന ചലച്ചിത്ര പുരസ്കാരങ്ങൾ ലഭിച്ച സംവിധായകനും തിരക്കഥാകൃത്തുമായ ജിയോ ബേബി, വൈക്കം മുഹമ്മദ് ബഷീറിന്റെ ‘ബാല്യകാലസഖി’യെ ആസ്പദമാക്കി വിനോദ് കോവൂർ സംവിധാനം ചെയ്ത ‘രാജകുമാരി’ ഹൃസ്വചിത്രത്തിൽ മജീദും സുഹറയുമായി അഭിനയിച്ച കബീർ, ആതിര എന്നിവരെ ചടങ്ങിൽ ആദരിക്കും.
