റിയാദിലെ ഇന്ത്യൻ വനിതകളുടെ കൂട്ടായ്മയായ റിയാദ് ഇന്ത്യൻ ബ്ലോഗ് വനിതകളുടെയും കുട്ടികളുടെയും വിവിധ കലാപരിപാടികൾ സംഘടിപ്പിച്ചു. റിയാദ് അവന്യൂ മാളിൽ ലുലു ഹൈപ്പർ മാർക്കറ്റിന്റെ സഹകരണത്തോടെ നടന്ന പരിപാടിയിൽ വനിതകളുടെ പാചക മത്സരം , കുട്ടികളുടെ ഫാഷൻ ഷോ , ഗെയിംസ് , ക്വിസ് തുടങ്ങിയവയും വിവിധ കലാപരിപാടികളും അരങ്ങേറി.
ഇന്ത്യൻ വനിതകളുടെയും കുട്ടികളുടെയും സാമൂഹ്യവും കലാപരവുമായ ശാക്തീകരണത്തിനുതകുന്ന നയപരിപാടികൾ ആവിഷ്കരിക്കുകയും ആവശ്യമായ ഗൈഡൻസ് നൽകാനും ഉദ്ദേശിച്ചു രൂപീകരിച്ച സംഘടനയാണ് റിയാദ് ഇന്ത്യൻ ബ്ലോഗ് .
ആളുകളുടെ പങ്കാളിത്തം കൊണ്ട് ശ്രദ്ധേയമായ പരിപാടിയിൽ റിയാദ് ഇന്ത്യൻ ബ്ലോഗിന്റെ ഫൗണ്ടറും അഡ്മിനുമായ ശബ്നം ഷമീദ് അവതാരിക ആയിരുന്നു. ഷാലിമ , ഷിഫാ , ഷീജ , ഷംന , സജീറ , ഫിജിന, ഹസീന എന്നിവർ മത്സരങ്ങൾ നിയന്ത്രിച്ചു.
പാചക മത്സരത്തിൽ ഗീത ഒന്നാം സ്ഥാനവും ഷാദാ രണ്ടാം സ്ഥാനവും ജെബി മൂന്നാം സ്ഥാനവും കരസ്ഥമാക്കി. വിജയികൾക്കും കുട്ടികൾക്കുമുള്ള സമ്മാനങ്ങൾ വേദിയിൽ വിതരണം ചെയ്തു.
Media wings.
