പത്തനംതിട്ട: കോന്നിയില്‍ ഹിറ്റാച്ചിക്കു മുകളില്‍ പാറ ഇടിഞ്ഞുവീണ് അപകടം. പയ്യനാമണ്‍ ചെങ്കുളം പാറമടയിലാണ് അപകടമുണ്ടായത്.ഹിറ്റാച്ചിക്കുള്ളില്‍ കുടുങ്ങിയ രണ്ടു തൊഴിലാളികള്‍ ഒരാളുടെ മൃതദേഹം കണ്ടെത്തി.
ഓഡീഷ, ബിഹാർ സ്വദേശികളായ മഹാദേവ്, അജയ് റായ് എന്നിവരാണ് കുടുങ്ങിയതെന്നാണ് റിപ്പോർട്ട്. ഹിറ്റാച്ചി ഓപ്പറേറ്ററും സഹായിയുമാണ് ഇവർ. ഇതില്‍ ഒരാളുടെ മൃതദേഹമാണ് കണ്ടെത്തിയത്. മറ്റൊരാള്‍ കുടുങ്ങിയതായി കരുതുന്ന സ്ഥലത്തേക്ക് എത്തിപ്പെടാൻ ശ്രമം തുടരുകയാണ്. വലിയ പാറക്കല്ലുകള്‍ വീണു കുടക്കുന്നത് രക്ഷാപ്രവർത്തനം തടസ്സപ്പെടത്തുകയാണ്.
പാറമടയില്‍ പണി നടക്കുന്നതിനിടെ കൂറ്റൻ കല്ലുകള്‍ വാഹനത്തിനു മുകളിലേക്ക് പതിച്ചായിരുന്നു അപകടം. ഹിറ്റാച്ചി ഉപയോഗിച്ച്‌ പാറ നീക്കം ചെയ്യുന്നതിനിടിയായിരുന്നു അപകടം.
ഇന്ന് ഉച്ചയ്ക്ക് മൂന്നു മണിയോടെയായിരുന്നു അപകടം. ഫയർഫോഴ്സും പൊലീസും സ്ഥലത്തെത്തിയിട്ടുണ്ട്. രക്ഷപ്രവർത്തനം പുരോഗമിക്കുകയാണ്. എൻഡിആർഎഫ് സംഘം സ്ഥലത്തേക്ക് ഉടൻ എത്തുമെന്ന് പറയുന്നു. കുത്തനെയുള്ള പാറക്കെട്ടിലെ രക്ഷാപ്രവർത്തനം ആതീവ ദുഷ്കരമാണ്.
