ഗുവാഹത്തി : ആസാമിലെ ചായത്തോട്ടത്തിൽ ജോലിക്കാരോടൊപ്പം ചായ നുള്ളിയെടുക്കുന്ന പ്രിയങ്ക ഗാന്ധിയുടെ ചിത്രങ്ങളും വീഡിയോയും സോഷ്യൽ മീഡിയയിൽ വൈറൽ ആയി. രാഹുൽ ഗാന്ധി കേരളത്തിൽ കടലിൽ നീന്തുന്ന വീഡിയോ വൈറലായതിന് പിറകെ ഈ വിഡിയോയും കോൺഗ്രസ് പ്രവർത്തകർക്ക് ആവേശമായി.
ആസാമിലെ നിയമസഭാ തിരഞ്ഞെടുപ്പ് പ്രചാരണത്തിൽ സജീവമാണ് പ്രിയങ്ക ഗാന്ധി. കഴിഞ്ഞ ദിവസം തമിഴ്നാട്ടിലെ പ്രചാരണ പരിപാടിക്കിടെ രാഹുൽ ഗാന്ധി അനായാസം പുഷ്അപ് എടുക്കുന്ന വീഡിയോയും സമൂഹ മാധ്യമങ്ങളിൽ പ്രചരിച്ചിരുന്നു. ഇന്ത്യൻ വോട്ടർമാരിൽ യുവജനങ്ങൾക്കിടയിൽ ഇത്തരം വാർത്തകൾക്ക് ഏറെ പ്രാധാന്യമുണ്ട്. ഇപ്പോഴുള്ള തിരഞ്ഞെടുപ്പുകളിൽ ഇവ വോട്ടാക്കാൻ സാധിച്ചില്ലെങ്കിലും ഇത്തരം പ്രചാരങ്ങൾ വിദൂരമല്ലാത്ത ഭാവിയിൽ പാർട്ടിയുടെ സ്വാധീനം മെച്ചപ്പെടുത്താൻ സാധിക്കുമെന്ന കാര്യത്തിൽ തർക്കമില്ല.
