ഡൽഹി : ഉപരാഷ്ട്രപതി സ്ഥാനം വാഗ്ദാനം ചെയ്ത് ബിജെപി ക്ഷണിച്ചിരുന്നതായുള്ള വെളിപ്പെടുത്തലുമായി കോൺഗ്രസ് നേതാവ് പി.ജെ. കുര്യൻ. എന്നാൽ, ഈ ഓഫർ നിരസിച്ചതായും ഒരിക്കലും കോൺഗ്രസ് പാർട്ടി വിട്ടുപോകില്ല എന്നതാണ് തന്റെ നിലപാടെന്ന് ബിജെപി നേതൃത്വത്തെ അറിയിച്ചതായും കുര്യൻ ഒരു സ്വകാര്യ ചാനലിന് നൽകിയ അഭിമുഖത്തിൽ പറഞ്ഞു.
പ്രധാനമന്ത്രി നരേന്ദ്ര മോദിയുമായി വളരെ അടുത്ത ബന്ധമാണ് തനിക്കുള്ളത്. ഉപരാഷ്ട്രപതിയുടെ പദവിയിലേക്ക് പരിഗണിച്ചതിൽ പ്രധാനമന്ത്രിയെ കണ്ട് നന്ദി അറിയിച്ചിരുന്നു. പദവിക്ക് വേണ്ടി പാര്ട്ടി മാറുന്ന ആളല്ലെന്നും കുര്യൻ വ്യക്തമാക്കി.